Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
POLITIKE
“Protesta e 10 shkurtit do të jetë masive”, Berisha: Do të largojmë Ramën
Nga Xhuljan FerzajPërditësimi i fundit 4 Shkurt 2026, 13:57
Kreu i PD-së, Sali Berisha deklaroi se protesta e 10 shkurtit do të jetë masive dhe do të kërkojnë rrëzimin e Edi Ramës nga pushteti. Berisha paralajmëroi se protestat nuk do të ndalen deri sa kërkesat e qytetarëve të plotësohen, largimin e kryeministrit nga detyra përmes protestave.
“Gjithnjë e më i madh është numri i qytetarëve që kërkojnë që protestat të mos ndalen deri në rrëzimin e Edi Ramës.
Unë i siguroj qytetarët se kërkesat e tyre i konsideroj të drejta, në rastin më të parë të mundshëm do të zbatohet. Pra, ata janë qytetar të përgjegjshëm që duan të përballen me këtë shtet të degraduar, të degjeneruar në shkallë ekstreme.
Po si mundet një Gjykatë Kushtetuese, të mos ndiejë përgjegjësi ligjore, mos të ndiejë përgjegjësi para qytetarëve por të bëhet strofulla e fundit e hajdutëve të tij, vetëm fjala qytetar ka ngelur këtu dhe unë kam bindjen se këtë betejë qytetarët do ta fitojnë. Ju e patë një javë më parë sesi qeveria shkelmoi mbi dokumente zyrtare edhe të institucionit të tij, edhe të vendit fqinj, mbi ligjet dhe kushtetutën në një akt pafytyrësie ekstreme.
Po pse kështu? Sepse kështu është kryeministri i vendit! Ata janë me shkollë, me nder gjykatës, turp gjykatës një pjesë e tyre, ata kanë përfunduar fakultetin juridik ose fakultete të tjera, nuk janë njerëz të palexuar. Por janë njerëz të zhveshur nga çdo moral ligjor dhe zyrtar. Janë njerëz që shkelmojnë mbi interesat e qytetarëve, i them të gjitha këto vetëm për një qëllim sepse ju jeni shpresa e fundit e këtij vendi.
Të vazhdojmë me vendosmërinë më absolute gjer në triumfin e të drejtës. Nuk janë të pakët ata që shkelmojnë mbi dinjitetin e tyre, ata që si shushunja po u thithin gjakun çdo ditë, por guximi i qytetarëve, ndershmëria dhe morali qytetar është qindra herë më i fuqishëm se ata. Tani ne kemi një objektiv, largimin e Edi Ramës”, tha Berisha.
Kryetari i PD-së, deklaroi se mijëra qytetarë do të mblidhen para kryeministrisë në 10 shkurt, për ti treguar Edi Ramës se nuk mund të vazhdojë të jetë kryeministri i Shqiptarëve, por duhet të përgjigjet para ligjit për të gjitha vjedhjet që ka bërë./Piranjat News
Bledian Koka
Mediat jane mbushur sot me te dhenat e nje "megaoperacioni" te Prokurorise se Durresit qe paska bere namin per skandalin e mbetjeve toksite qe i g...
