Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Protesta e 7 tetorit/ Berisha: Të gjithë marshim në Tiranë për të drejtat tona më themelore
M.B.Përditësimi i fundit 4 Tetor 2024, 13:21
TIRANA- Kreu i Partisë Demokratike, Sali Berisha, u ka drejtuar sot thirrjen qytetarëve për të marrë pjesë në protestë e 7 tetorit. Berisha tha se të gjithë duhet të jenë në marshim në Tiranë për të drejtat më themelore. Ai shtoi se ndër të tjera kjo protestë bëhet për të kërkuar një qeveri teknike dhe zgjedhje të drejta
Pjesë nga fjala e Berishës:
Mirëdita dhe përshëndetjet më të përzemërta për ju gazetarët e pranishëm në selinë e PD, qytetaret dhe qytetarët shqiptarë që ndjekin këtë konferencë shtypi me ju. Së pari, dua të përsëris edhe njëherë thirrjen time dhe të PD për çdo demokrate e demokrat, për çdo opozitare e opozitar të vërtetë, për çdo qytetare dhe qytetar shqiptar, që beson tek vota e lirë, që beson se vullneti i tij duhet të respektohet, që beson tek Kushtetuta dhe shteti ligjor, që beson se Edi Rama në të gjithë qenien e tij është një armik i egër i votës së lirë.
Është një armik i egër i shtetit ligjor dhe demokracisë. Se ai ka instaluar në Shqipëri autokracinë elektorale, në të cilën me industrinë e blerjes së votës, me shtetin e tij elektoral, me makinerinë gjigante të frikësimit të zgjedhësve, kontrollon njëlloj si në diktaturat ideologjike, vullnetin e qytetarëve shqiptarë. Thirrja ime është, ditën e hënë, në ora 18:00, të gjithë marshim në Tiranë për të drejtat tona më themelore. Për një qeveri teknike dhe zgjedhje të drejta. Kundër dhunës ndaj opozitës dhe arrestimeve politike. Kundër vjedhjeve të pashembullta në historinë e këtij vendi nga personalisht Edi Rama dhe klani i tij kriminal. Kundër narkoshtetit që ka shndërruar Shqipërinë në protektorat të mafies më të keqe të Europës.
