Ish ministrja socialiste, Ermelinda Meksi ka reaguar sërish mbi debatet që kanë shoqëruar protestat e fundit kundër projektit të...
POLITIKE
Protesta e opozitës, Lubonja: Ende nuk ka zemërim, shqiptari çohet kur i vjen te shtëpia
PiranjatPërditësimi i fundit 20 Shkurt 2026, 22:13
Analisti Fatos Lubonja, komentoi zhvillimet pas protestës së opozitës, duke theksuar se protesta mbetet një instrument i rëndësishëm qytetar, por pa pritshmëri maksimaliste.
Sipas tij, tubimi duhet parë si një vazhdimësi e aksioneve të mëparshme opozitare dhe si një mënyrë për të treguar se ekziston një frymë mospranimi ndaj mënyrës se si qeveriset vendi.
Lubonja:Kam respekt për ata që protestojnë. Protesta është e rëndësishme. Për të treguar se ka gjallë një lloj shpirti mospranimi të shumë gjërave që bëhen në Shqipëri. Kam problem premtimet maksimaliste. Sikur kjo protestë do sjellë fundin. Ndoshta këto mund të kursehen. Protesta tregon se jemi aty, duhet të jetë çekani i vazhdueshëm. Mund të peshosh shkallën e zemërimit nga një anë dhe shkallën e reagimit nga ana tjetër.
Unë për vete, e kam si vazhdimësi e protestës tjetër, e lidhur me çështjen Balluku. Në këtë datë mund të merrte dhe një theks tjetër. Mbi të gjitha e shikoj si protestat në Serbi, që kanë qenë më të fuqishme. Zemërim edhe në 21 janarit, kur u dogj kryeministria, nuk kishte zemërim, por kishte instrumentalizim të një grupi. Popullin e shoh me një ndjenjë nënshtrimi. E krahasoj me disa protesta të vogla por që ka vërtet zemërim. Ato të mësojnë që zemërimi shqiptari e ka kur i vjen në shtëpitë e tyre. Zemërim që po dëbohen njerëzit, që po vidhen, tallen e mashtrohen nuk e shoh. Do dhe një kulturë tjetër të njerëzve.
