Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
POLITIKE
"PS është vendi për të hedhur votën për të mbështetur fuqimisht negociatat," Rama: Me hyrjen në BE, marrim 1 miliard euro fonde në vit!
n.fPërditësimi i fundit 25 Mars 2025, 10:16
TIRANË- Kryeministri Edi Rama gjatë fjalës së tij në rrjetet sociale në rubrikën "Sy m'sy" ka folur në lidhje me përfitimet që do të ketë Shqipëria pas integrimit në BE. Rama ka theksuar shpesh se Shqipëria do të jetë në vendet përfituese pas hyrjes në BE ndërsa sot ka treguar me shifra se çfarë benefitesh do kemi si vend. Ai theksoi se çfarë është marrë në këto 10 vitet e fundit nga BE-ja do të merret vit pas viti.
Sipas tij në kemi përfituar më shumë se 1 miliard euro në 10 vite dhe këto shifra pas integrimit në BE do të merren çdo vit. Ai i ka bërë thirrje qytetarëve që të votojnë në 11 maji për PS-në pasi sipas tij duhet mbështetur nisma e ndërmarrë për të shkuar drejt integrimit në BE. Sipas tij vota për PS-në nuk duhet të jepet për tu bërë socialist por për të ardhmen evropiane.
"Për të krijuar një perimetër shumë kompakt sigurie, gjë nga e cila ne kemi përfitim të jashtëzakonshëm. Në 10 vitet e fundit kemi marrë afro, diçka më shumë se 1 miliard euro. Çfarë kemi marrë në këto vite, do e marrim vit për vit. Krijimi i vetëdijes që me 11 maj, duhet të jemi përtej ndasive partiake, është një domosdoshmëri, duhet ta krijojmë këtë vetëdije së bashku.
PS është vendi për të hedhur votën, jo për t’u bërë të gjithë socialistë, por për të mbështetur fuqimisht negociatat. PS sot gjendet në vendin e duhur dhe në kohë e duhur, si pika e referimit. Siç gjendej PD në kohën e duhur, në vendin e duhur, në 1991-1992. E njëjta gjë, në dimension tjetër, duhet të ndodhë më 11 maj. Duhet masivisht të konfirmohet ndarja përfundimtare, me historinë e të lënit pas dore, popull i dorës së dytë në këtë kontinent," tha Rama.
