Ylli Zalla, i shpallur në kërkim për posedim të një arsenali armësh dhe i dyshuar për përfshirje në atentatin e R...
POLITIKE
Me një pikë shi parqet fotovoltaike me pasqyra u përmbytën, ndërsa Rama premton të bëhet fuqi botërore
PiranjatPërditësimi i fundit 14 Janar 2026, 12:41
Pas “ëndrrave’ për pasaportën e BE, tashmë Edi Rama deklaron se, përmes hidrocentraleve, synon të shesë energji të rinovueshme në shtetet e Bashkimit Europian, përmes projektit të përbashkët me Italinë dhe Emiratet e Bashkuara Arabe.
Ai shprehet se së bashku me miqtë e tij arabë do të bëjnë para.
Vetëm se Rama harron të vërtetën e madhe, atë që i prishi çdo fasadë të mundshme, sepse parqet fotovoltaike u përmbytën nga reshjet e shiut.
Rama jo vetëm që nuk mund të arrijë të shesë energji, por ende nuk ka arritur të menaxhojë situatën në Shqipëri me përmbytjet.
“Ne kemi 100% energji të ripërtëritshme. Nuk kemi energji nga karburantet fosile. Ne varemi nga humori i Allahut. Kur Allahu qesh shumë dhe nuk qan, atëherë nuk kemi shi dhe duhet t’i drejtohemi importit. Vitet e fundit kemi investuar shumë në energji diellore dhe atë të erës”, tha Rama në fjalën e tij në panelin Samitit të Javës së Zhvillimit të Qëndrueshëm në Abu Dabi.
“Plani po ecën mirë dhe besojmë se në fund të vitit 2028 do të jemi plotësisht sovran. Nuk do të blejmë më energji nga jashtë. Ndërkohë kemi edhe një bashkëpunim strategjik. Ambicia jonë është që së bashku me Emiratet e Bashkuara Arabe dhe Italinë, të kemi një bashkëpunim trepalësh, të krijojmë një bazë të ngarkesës në Shqipëri. Dr Sulltani, zoti e bekoftë, po synon që të mbërrijmë në 3 Giga dhe përmes kabullit ndërlidhës me Italinë, t’i shërbejmë Europës me energji të gjelbër dhe sigurisht së bashku me miqtë tanë arabë të bëjmë para, për t’ia shitur pra Europës”, shtoi Rama.
