Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Rama: Do ndërtojmë aeroport në Gjirokastër, një pikë ideale për të bërë aeroportin turistik të jugut!
n.fPërditësimi i fundit 3 Maj 2025, 12:58
GJIROKASTËR- Kreu i partisë socialiste Edi Rama nga Gjirokastra u shpreh i sigurt për votën e gjirokastritëve në 11 maj teksa shpreh se PS do ti fitojë këto zgjedhje. Rama foli më tej për planet për mandatin e katërt ndërsa theksoi se në këto 10 vjet janë investuar 331 milion euro.
Ai tha se janë realizuar 475 projekte me fokus energjia, infrastruktura e turizmi pa lënë më pas bujqësinë e arsimin. Sipas tij niveli i ekonomisë do të rritet nga turizmi dhe paketa e maleve do të vazhdojë edhe në jug. Ai u premtoi gjirokastritëve ndërtimin e aeroportit të Gjirokastrës.
“Tani më është shumë e qartë, si dhe pse deri në fund të kësaj dekade niveli i ekonomisë vendore në këtë qark do të rritet në mënyrë te ndjeshme sepse nga njëra anë turizmi, zhvillimi i agroturizmit, agropërpunimi që do të ketë mbështetje të veçantë, paketa e maleve, do i japë një dorë shumë të mirë sidomos zonave të thella, dhe aeroporti i Gjirokastrës që është funksional për aktivitetet sportive për fluturime sportive, ka rezultar që të jetë pika më ideale për të bërë aeroportin turistik të jugut”, u shpreh ai.
