DashiSot fuqitë tuaja bindëse janë në nivelin më të lartë. Kjo është një ditë e mirë për t&eu...
POLITIKE
"Duhet leje edhe për mur"/ Rama paralajmëron resortet: Nuk do mund të gllabëroni më trotuaret
PiranjatPërditësimi i fundit 3 Tetor 2025, 12:06
Kryeministri Edi Rama ka deklaruar se për punimet e filluara dhe të papërfunduara, për të cilat ka kaluar afati prej pesë vitesh, do të merren masa të menjëhershme. Sipas tij, shumë godina në qytetet e ndryshme të Shqipërisë kanë krijuar probleme dhe për këtë arsye ato do të prishen, konfiskohen, ose do t’u vihet një procedurë për t’i përfunduar.
Kryeministri tha se të gjitha këto do të trajtohen sipas një akti ligjor të ri, që do të përkufizojë procedurat dhe hapat që duhen ndjekur për të rregulluar këtë situatë. Ai theksoi se gjithçka do të mbështetet në një VKM , i cili do të përcaktojë procedurën e zhvillimit të procesit dhe se në çdo rast do të merret leja e nevojshme për ndërtim.
Një tjetër problem që kryeministri ka përmendur janë muret rrethuese, të cilat janë shpesh problematike dhe nuk respektojnë rregullat urbanistike. Sipas aktit ligjor, këto mure do të nënshtrohen rregullave të modeleve tip, dhe nuk mund të jenë pjesë e një Shqipërie evropiane ku muret rrethuese janë vendosur pa asnjë lloj sensi të zhvillimit urban. Kryeministri gjithashtu deklaroi se muret pa leje duhet të korrigjohen, duke i bërë ato të përputhshme me standardet urbanistike të Bashkive.
Muret rrethuese që janë ndërtuar pa leje, sidomos ato që ndodhen në resorte, pallate, dhe godina për qëllim fitimi, do të prishet dhe shemben. Për çdo mur rrethues të ri që do të ndërtohet, do të jetë e nevojshme të merret leja përkatëse.
Rama përmendi gjithashtu se ka pasur raste kur muret kanë gllabëruar trotuaret, duke i bërë ato më të ngushta dhe duke vështirësuar kalimin e këmbësorëve.
Rama: Punimet e filluara dhë papërfunduara për të cilat ka përfunfuar afati prej 5 vitesh, kemi parë në qytete të ndryshme godina që bëhen si vend me probleme, kështu që të gjitha këto sipas ktij akti ligjor do prishem, konfiskohen apo do vendosen procedura për ti përfunduar nësë do shfaqet dikush që do i përfundoj, por kryesisht do përcaktohet me VKM e gjithë procedura e zhvillimit të procesit, muret rrethuese janë problematikë, akti përcakton së muret rrethuese do duhet ti nënshtrohen rregullavë tip, modeleve tip, nuk mund të jetë Shqipëria evropiane ku muret rrethuese jane pa asnjë lloj sensi të zhvillimit urban,dhe padiskutim siç merrët leja për ndërtimin, edhe për murin rrethues, muret pa leje do duhet ti nënshtrohen korrigjimit, sipas modelit tip nga bashkitë, cdo mur rrethues nepër resorte, pallate e godina për qëllim fitimi do prishet, shembet dhe për cdo mur duhet marrë leje, se e keni parë vetë, që ato muret kanë tendencë të gllabërojnë trotuaret, që janë minimalistë, ku njërëzit duhet të ecin anash.
