Pika e Kalimit Kufitar Kapshticë do të ndërpresë përkohësisht funksionimin të hënën, më 27 korrik, nga ora 0...
POLITIKE
“Rama është rrezik për paqen dhe sigurinë në Evropë”, Berisha tregon strategjinë e PD kundër qeverisë
PiranjatPërditësimi i fundit 3 Prill 2026, 14:07
Edi Rama është rrezik për paqen dhe sigurinë në Shqipëri, rajon, Evropë dhe deri në të gjithë botën. Kështu deklaroi sot Sali Berisha, teksa iu përgjigj një prej pyetjeve se: “Cila ishte strategjia e opozitës përballë qeverisë?”. Dhe argumenti që ai përdori në diskursin e tij politik, ishte se kryeministri drejtonte narkoshtetin dhe mafian më të rrezikshme.
“Strategjia jonë është largimi i Edi Ramës nga pushteti, si kryetari i organizatës më të rrezikshme kriminale që ka qeverisur Shqipërinë. Ai është një rrezik edhe për paqen dhe sigurinë në rajon dhe më gjerë për shkak të lidhjeve të tij me organizatat më agresive”, tha Berisha.
Për ta përforcuar argumentin e tij, ai iu referua një emisioni të televizionit “Rai 3” në Itali: “Ju e patë… A e patë emisionin e fundit të “Rai 3”? Çfarë thoshte? Mafia më e rrezikshme në Evropë, ose mafia më e rrezikshme ndërkombëtare! E lidhur me Edi Ramën, pastron paratë në Shqipëri kryesisht, e përdor si platformë për të shpërndarë krimin kudo në rajon. Jepeni këtë, të kuptojnë shqiptarët se cili është imazhi i kësaj qeverie por edhe i narkoshtetit, rrezik i fqinjëve, Evropën e Botën”.
Berisha theksoi se misioni i PD është largimi i Ramës dhe beteja do të vijonte deri në fund, për të shpëtuar Shqipërinë nga ky rrezik.
“Nëse je rrezik për Shqipërinë, je rreziku më i keq. Kjo është strategjia jonë dhe ne vazhdojmë të palëkundur në këtë drejtim”, tha kreu i selisë blu.
