Dy persona janë plagosur me armë zjarri mbrëmjen e sotme në zonën e Laprakës në Tiranë.
Ngjarja dyshohet se ka ndodhur ...
POLITIKE
Braçe sulmon hapur Edi Ramën: Partia nuk mund të jetë mur ku vendosen njoftimet
PiranjatPërditësimi i fundit 2 Prill 2026, 22:21
Erion Braçe ka sulmuar hapur mënyrën e drejtimit të Partisë Socialiste nga Edi Rama, duke shprehur shqetësimin e tij mbi funksionimin e strukturave të partisë. Në një intervistë për “Top Story”, ai tha se PS është kthyer në një parti ku ngjiten vetëm njoftime në mur.
“Partia nuk mund të kthehet në një mur ku ngjiten kohë pas kohe njoftimet. Njoftime për kryetar partie, njoftime për të deleguar, drejtues politikë partie, njoftime për kryetar bashkie, njoftime për të deleguar edhe më gjerë në njësitë më të mëdha siç janë qarqet dhe kështu me radhë. Jo. Partia nuk mund të funksionojë kështu me njoftime që ngjiten në mur. Se në rast se vazhdon kështu që në mur mund të vijë edhe ndonjë njoftim tjetër pastaj që mund të jetë më i rëndë për PS, që tregon fundin do e mos”, tha Braçe.
Ai paralajmëroi se vazhdimi i kësaj praktike mund të ketë pasoja serioze për partinë dhe organizimin e saj.
Braçe gjithashtu tha se nuk i ka marrë leje askujt për vendimin e tij për të kandiduar për Bashkinë e Tiranës. Ai tha se e ka këtë luks për t’i marrë vendimet vetë pasi ka 30 vite deputet i zgjedhur dhe jo i emëruar.
PS-ja ka pësuar një regres të konsiderueshëm në këtë drejtim. Në përiudhën e Fatos Nanos, pavarësisht problemeve të panumërta me natyra të ndryshme, kishte më tepër transparencë, sot mbizotëron arbitrariteti.
