Teksa shkallmuan thuajse të gjithë gurët e trotuareve, nga frika e sulmeve nga protestuesit, sot punonjës të bashkisë janë fu...
POLITIKE
Rama: Evropa shkëlqen kur politikat e saj bashkëshkruhen nga qytetarë e saj, dhe jo kur shkruhen nga lart
PiranjatPërditësimi i fundit 17 Shtator 2025, 15:53
Në një seancë të veçantë plenare të mbajtur në Parlamentin Europian, Kryeministri i Shqipërisë, Edi Rama, mori pjesë për të nderuar Presidentin në largim të Komitetit Ekonomik dhe Social Europian (KESE), Oliver Röpke.
Gjatë fjalës së tij, Rama theksoi rëndësinë e dialogut social dhe vlerësoi ndikimin e Röpke në forcimin e urave midis institucioneve dhe qytetarëve të Europës.
“Ju e patë Europën jo si atraksion, por si punë të përditshme për familjet, njerëzit. Bashkimi është i arritshëm edhe kur duket se përçarja është e paracaktuar. E gjitha vjen nga zemra dhe vjen nga mirënjohja e ekipit tim, sepse komiteti ekonomik dhe social europian ishte vendi i parë ku ne shqiptarët, qytetarët të dorës së dytë të Evropës, u ndjemë qytetarë të dorës së parë të Evropës. Dua t’ju falenderoj Oliver për avokatinë, për zgjerimin dhe për forcën tuaj.
Për Shqipërinë, në shtegun drejt anëtarësimit, Europa lulëzon kur është e plotë dhe është e plotë kur është e bashkuar. Faleminderit shumë për çfarë na keni dhënë si njeri dhe faleminderit njerëzve në sallë për durimin e tyre heroik.
BE nuk është vetëm tregu i përbashkët, por është një bashkësi njerëzish, ku ekonomia duhet të vallëzojë krah për krah me të drejtat sociale. Ju këmbëngulët fortë, që e ardhmja e Ballkanit Perëndimor është në BE. Kemi hapur katër kapituj të tjerë, për pos 24 të tjerë, që janë hapur më parë. Në këtë komitet hartohen politika e dialogu mbi atë se çfarë duan qytetarët e zakonshëm. Në drejtimin e Oliver ka qenë një makineri që ka ndërtuar konsensus. Evropa shkëlqen kur politikat e saj bashkëshkruhen nga qytetarë e saj, dhe jo kur shkruhen nga lart," tha Rama.
