Nga Jesus Antonio Blancuiqet, EL TIEMPO
Për muaj me radhë, historia e Enid Kasmit në Venezuelë ishte e rrethuar nga pikëpyetje. Kur u ...
POLITIKE
‘Rama kriminalizoi politikën’, Vasili: I pashpresë dhe në panik, skandalet po i dalin dita-ditës
PiranjatPërditësimi i fundit 1 Tetor 2026, 09:01
Ish deputetin i PL, Petrit Vasili teksa komentoi ndryshimet në Kodin e Procedurës Penale, të prezantuara këtë të mërkurë nga kreu i qeverisë Edi Rama, u shpreh se Shqipëria nuk ka pasur kurrë vakume ligjore, porse probleme ishte me rrëmbimin e drejtësisë.
I ftuar në ‘Kafe Shqeto’ në Syri Tv, Vasili tha se Edi Rama ishte ai që kriminalizoi politikën, ndërsa me ardhjen e tij në pushtet para 13 vitesh, paraburgimet në vendin tonë u rritën ndjeshëm.
Por fakti që ndërhyri në Kodin e Procedurës Penale, thekson Vasili, tregon se Rama është i pashpresë dhe në panik për shkak të skandaleve që i kanë plasur dhe vijojnë t’i dalin dita-ditës.
Fjala e tij:
Shqipëria s’kishte vakume ligjore, por kishte problemin e e madh në këtë 13 vite qeverisjeje që e ka rrëmbyer drejtësinë. Dhunë e represion ndaj qytetarëve për të qeverisur.
Çështja e paraburgimeve ka 2 komponentë. Është ngritur si shqetësim madhor nga KiE më 2007 dhe një nga shtysat kryesore ishte se u dyfishuan paraburgimet me ardhjen në pushtet të Ramës, sepse nisi strategjia burg, burg, për të bërë presion e mbjellë psikologjinë e frikës.
E tërë kjo situatë e rënduar ka një autor, politika e kriminalizuar e Ramës. Sot në panik duke parë që tashmë ngjarjet që i kanë dalë e vijojnë të dalin e kanë rënduar dhe e kanë bërë të pashpresë Ramën.
E detyron të marrë e qepë Kodin e Procedurës Penale për të ndërtuar një bunker. Ka arritur të krahasohet me Rusinë, mbaron krahasimi me Rusinë, me arrestimin e ngjashëm të Metës me Navalnyn.
