Ujë me piper, ujë me presion dhe gaz lotsjellës është përdorur nga policia në drejtim të protestuesve.
Ndërkoh&e...
POLITIKE
“Rama iu tha evropianëve se s’kemi nevojë për BE”, Berisha: Misioni ynë ta largojmë nga zyra!
PiranjatPërditësimi i fundit 3 Mars 2026, 13:23
Në konferencën e sotme për mediat, Sali Berisha u shpreh se kryeministri Rama iu tha evropianëve se ne nuk kemi nevojë për integrimin në Unionin evropian, gjë që sipas tij, e bën këtë gjë vetëm për të mbrojtur krimet e tij dhe pasuritë e vjedhura.
Berisha theksoi se asnjë nga ndërkombëtarët nuk do të vijë ta nxjerrin për leckash nga zyra, por se kjo është misioni i opozitës dhe qytetarëve shqiptarë.
“Fati juaj është vetëm në duart tuaja. Jeni ju dhe vetëm ju që mund të çlironi këtë vend nga kjo organizatë kriminale, që nga mëngjesi deri në darkë vetëm vjedhin dhe poshtërojnë shqiptarët.
Është sot më imperativë se kurrë që shqiptarët të marrin në duar fatin e tyre, e lirive të tyre dhe vendit të tyre. Edi Rama ndërhyrjes apo kërkesave të fuqishme nga partnerët tanë më kryesorë, nga KE, për të mos penguar drejtësinë iu përgjigj me artikullin e hapur të firmosur së bashku me vëllaun e tij Vuçiç, duke iu thënë evropianëve se nuk kemi nevojë për integrimin. Arrin gjer në këtë akt, vetëm për të mbrojtur krimet dhe pasurinë e tij të krimit.
Por Edi Rama është kryeministër, ka edhe një rreth që janë anëtarë të organizatës së tij kriminale, por shqiptarët nuk do të lejojnë që fati i tyre të shkelmohet edhe kësaj here siç u shkelmua nga Enver Hoxha për 26 vite.
Ndaj edhe ftesa ime për mbarë qytetarët, ditën që do të paraqitet kërkesa në parlament, që të gjithë para parlamentit për të mbrojtur kushtetutën, dinjitetin kombëtar dhe shtetin e së drejtës. Me vendimin e tij, de facto Edi Rama asgjëson drejtësinë.
Askush nuk do vijë ta heqë atë për leckash nga zyra e kryeministrit, është misioni ynë që të mos pranojmë të mbyllen dyert e Evropës nga një kryehajdut i kombit në historik, nga një armik i shqiptarëve. Ndaj edhe sot më shumë se kurrë nevojitet të bashkohemi kundër këtij rreziku.”, theksoi Berisha.
