Një shpërthim me lëndë të dyshuar plasëse është regjistruar në orët e para të mëngjesit të so...
POLITIKE
Rama me përfaqësuesen e TikTok në Davos, diskuton për rihapjen e platformës pa u mbyllur akoma: Vendosëm disa piketa bashkëpunimi në javët e muajt në vijim
M.B.Përditësimi i fundit 21 Janar 2025, 14:40
DAVOS- Kryeministri Edi Rama ka zhvilluar një takim, në Davos ku ndodhet në kuadër të Forumit Ekonomik Botëror, me Christine Grahn, kreun e Marrëdhënieve me Qeveritë&Politikën Publike të TikTokut për Europën. Rama njofton se ka diskutuat me Grahn për rihapjen e TikTok në Shqipëri në një kohë sa më të arsyeshme, ndonëse mbyllja nuk është bërë akoma.
Ai vijon me vendosjen e theksit te rihapja duke shtuar se duhen të gjitha garancitë e nevojshme, në mungesë të të cilave, shton ai, jemi të detyruar ta mbyllim së shpejti aksesin në platformë.
POSTIMI:
Davos, Forumi Ekonomik Botëror - Me Christine Grahn, kreun e Marrëdhënieve me Qeveritë&Politikën Publike të TikTokut për Europën, shtruam shqetësimet që na çuan në vendimin e mbylljes së përkohshme të aksesit në platformë nga Shqipëria, si edhe dëgjuam rrugët e mundshme të adresimit të tyre nga ana e kompanisë. Një diskutim plotësisht i hapur dhe me frymë konstruktive, ku vendosëm disa piketa bashkëpunimi në javët e muajt në vijim, për të siguruar rihapjen e TikTokut në një kohë sa më të arsyeshme, por sigurisht me të gjitha garancitë e nevojshme, në mungesë të të cilave jemi të detyruar ta mbyllim së shpejti aksesin në platformë
