Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
Rama para mbylljes së fushatës: Orët e fundit të këtij rrugëtimi erdhën! Jam shumë kurioz të shoh vendimin dhe ndikimin e diasporës
M.B.Përditësimi i fundit 9 Maj 2025, 18:42
TIRANA- Kryeministri ka ndarë një postim në rrjetet sociale pas orë para mbylljes zyrtare të fushatës elektorale për zgjedhjet e 11 majit. Rama shprehet se tashmë mbërritën orët e fundit të këtij rrugëtimi. Ai thotë se në 19:30 Tirana do i japë mesazhin e fundit të gjithë Shqipërisë dhe shqiptarëve kudo ku ndodhen.
Rama shton se ka patur një lëvizje domethenëse ditët e fundit nga ana e atyre që kishin mbetur ende pa i dërguar zarfat. Ai thekson se është shumë kurioz të shoh vendimin dhe ndikimin e diasporës.
“Orët e fundit të këtij rrugëtimi erdhën, pas pak kemi Tiranën dhe vetëm Tiranën, gjithë të tjerët kanë qëndruar nëpër qarqet e tyre duke bërë përgatitjet e fazës tjetër të procesit. Ndërkohë që në 19:30 Tirana do i japë mesazhin e fundit të gjithë Shqipërisë dhe shqiptarëve kudo ku ndodhen dhe më vjen mirë që ka patur një lëvizje domethenëse ditët e fundit nga ana e atyre që kishin mbetur ende pa i dërguar zarfat, numrat janë inkurajues të shohim si do jetë pjesëmarrja por pa diskutim që trendi që në krye të herës na tregoi se do kishim një pjesëmarrje shumë të madhe nga ana e shqiptarëve jashtë kufijve.
Unë jam i lumtur që i dhamë mundësinë të votojnë, që ata e shfrytëzuan këtë mundësi për votën e parë në histori të shqiptarëve jashtë por edhe për këtë sfidë të Shqipërisë me historinë në 11 maj. Dhe jam shumë kurioz të shoh vendimin e diasporës, ndikimin e diasporës dhe patjetër me respektin më të madh. Në 19:30, do të jemi së bashku me Tiranën për Tiranën dhe për Shqipërinë 2030 në BE", tha Rama.
