Ditën e mërkurë vendi ynë do të jetë nën ndikimin e masave ajrore të paqëndrueshme.
Moti parashikohet me vran&eu...
POLITIKE
"Rama po manipulon çdo hallkë të procesit!" PD: Persona të shpallur në kërkim, po kërkojnë të mbledhin vota për Partinë Socialiste
M.B.Përditësimi i fundit 9 Maj 2025, 16:01
TIRANA- Kandidati për deputet i Partisë Demokratike në qarkun e Durrësit, Gent Strazimiri, ka ngritur alarmin për një sërë parregullsish dhe shkeljesh të rënda që, sipas tij, po minojnë integritetin e zgjedhjeve të 11 majit. Në një konferencë për shtyp, Strazimiri tha se persona të shpallur në kërkim janë përfshirë në mbledhjen e votave për Partinë Socialiste.
Sipas tij, një audit i brendshëm i KQZ ka zbuluar mospërputhje masive në listat zgjedhore dhe fenomene të tilla si votime të dyfishta, votues “shëtitës”, regjistrime të dyshimta të votuesve emigrantë dhe presione sistematike ndaj të burgosurve.
Ai e cilësoi situatën si një kërcënim serioz ndaj zgjedhjeve të lira dhe të ndershme, duke paralajmëruar se këto të dhëna janë tashmë në duart e misioneve të huaja në vend.
Fjala e tij:
Personat e shpallur në kërkim, po kërkojnë të mbledhin votë për Partinë Socialiste. Fakti që qytetarët po i denoncojnë në mënyrë masive po tregon që është krejtësisht e pasuksesshme. Ajo që unë do të doja të nënvizoja, është një raport tjetër. Është dokument i brendshëm i KQZ, është audit i brendshëm i KQZ, që tregon shifrat reale zyrtare që tregon, jo denoncimet e qytetarëve, që tregon sesi është gjendja deri më tani, pra deri më datën 30 prill.
Gjetjet kryesore janë: mospërputhje masive në listat e zgjedhësve, janë 521,873 shtetas që janë regjistruar me të dhëna të pasakta ose të paplota të adresës, duke i kthyer në zgjedhës shëtitës. Që do të thotë, në dispozicion, nga qendra në qendër të paidentifikuar që të votojnë disa herë në disa qendra votimi. Janë 133 individë që kanë hequr dorë zyrtarisht nga shtetësia shqiptare dhe vijojnë të figurojnë në listat zgjedhore brenda vendit, 5 prej të cilëve janë votuar edhe për të votuar jashtë. Pra ka dublim, duke treguar regjistrim të dyfishtë dhe votim të dyfishtë.
127 qytetarë janë regjistruar si votues si brenda dhe jashtë vendit, gjë që përbën shkelje të drejtpërdrejtë të kodit zgjedhor. Në këtë burg të madh që është kthyer Shqipëria tashmë kemi dhe ato burgjet që janë burgje zyrtare. Edhe aty ka problematikat e veta. Janë 1271 të burgosur të regjistruar në qendrat e veçanta të votimit, ndonëse nuk e kanë vendbanimin zyrtar aty por në lokacione të tjera. Gjë që përbën shkelje me të dyja këmbët.
Sigurisht që keni parë pasi janë publikuar edhe në rrjetet sociale kërcënimet dhe presionet ndaj të burgosurve me dëshmi dhe presione të shumta që tregojnë frikësim të burgosurve, të cilëve edhe u thuhet që do të keqtrajtohen ose do të transferohen nëse nuk votojnë për Partinë socialiste. Këto veprime, sigurisht që përbëjnë një shkelje parimore të zgjedhjeve të lira dhe të ndershme. Kemi modele të dyshimta të regjistrimit që sugjerojnë patronazhim dhe manipulim.
Janë 1483 aplikime të përsëritura nga e njëjta adresë IP dhe janë evidentuar në sistemin e regjistrimit të votuesve emigrantë, PER. Çka sugjeron veprimtari të orkestruar dhe manipulimit të votës së diasporës. Sistemi ka dështuar në verifikimin e adresës së votuesve jashtë shtetit, duke rezultuar në refuzimin e shumë aplikimeve legjitime pa një arsye të qartë. Të gjitha këto ja kemi përcjellë hap pas hapi misionit vëzhgues të OSBE-ODIHR. I falënderojmë dhe ata për bashkëpunimin dhe mirëkuptimin që kanë treguar.
