Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
POLITIKE
Rama prezanton skemën e re për rritjen e pensioneve: Fond individual për qytetarët
PiranjatPërditësimi i fundit 12 Prill 2026, 10:11
Në Podacstin e radhës të kësaj të diele, kryeministri Edi Rama ka prezantuar skemën e re për rritjen e përvitshme të pensioneve. Sipas tij, rritja e bërë në janar, do të pesëfishohet deri në 2030. Paralelisht, qeveria po përgatit edhe një shtyllë të dytë të sistemit të pensioneve, që do të funksionojë si skemë komplementare
“Ndërkohë që kemi stabilizuar dhe kemi vënë në lëvizje një skemë rritjeje të përvitshme të pensioneve, çka është rritur në këtë janar do të dyfishohet në janarin e ardhshëm, do të trefishohet në janarin e 2028-ës, do të katërfishohet në janarin e 2029-ës dhe do të pesëfishohet në janarin e 2030-ës”.
Rama tha se paralelisht, qeveria po përgatit edhe një shtyllë të dytë të sistemit të pensioneve, që do të funksionojë si skemë komplementare. Çdo punonjës që kontribuon me një shumë minimale nga paga, p.sh. 1 euro në muaj, do të përfitojë një kontribut të barabartë nga shteti ose punëdhënësi. Sipas tij kjo skemë synon krijimin e një fondi individual për çdo qytetar, duke ofruar më shumë siguri financiare në moshën e tretë dhe duke forcuar sistemin aktual të pensioneve.
“Po përgatisim edhe një kolonë tjetër të skemës së pensioneve, e cila i bashkëngjitet në mënyrë komplementare sistemit aktual, kolonës qendrore të pensioneve, duke krijuar një hapësirë të re dhe një mundësi të dytë mbështetjeje për të ardhmen.
Ideja është shumë e thjeshtë: çdo punonjës që zgjedh të kontribuojë me një shumë të vogël nga paga e tij, për shembull 1 euro në muaj, do të ketë një kontribut të barabartë nga pala tjetër, shteti ose punëdhënësi në sektorin privat. Në këtë mënyrë, kontributi dyfishohet dhe, muaj pas muaji, krijohet një fond individual, i cili i shtohet pensionit që përfitohet normalisht nga kolona e parë, skema ekzistuese.
Kjo nuk është absolutisht diçka “alla shqiptare”, sepse ne nuk bëjmë të tilla; po mësojmë nga përvojat më të mira dhe përpiqemi të sjellim këtu modele të sprovuara. Pra, është një model i mirënjohur që krijon mundësinë e krijimit gradual të një fondi pensionesh, për më shumë siguri për individin dhe për një lidhje më të qëndrueshme mes punonjësit dhe punëdhënësit, shtetit apo privatit. Një mekanizëm sigurie financiare për moshën e tretë dhe, e përsëris, një mekanizëm komplementar që nuk e prek, por e forcon mekanizmin aktual”.
