Shqiptarët kanë një nivel konsumi individual shumë më të ulët se mesatarja europiane, por për ushqimet shpenzojnë...
POLITIKE
"Rama s'është trim, fshihet pas fustanit të Belës dhe Mirlindës!", Tedi Blushi: Nuk e shpëton dot as shpallja e vendit diktaturë
PiranjatPërditësimi i fundit 17 Shkurt 2026, 18:28
Sekretari i Partia e Lirisë, Tedi Blushi, ka hedhur akuza të forta ndaj qeverisë së kryeministrit Edi Rama, duke deklaruar se mazhoranca nuk njeh asnjë të drejtë të qytetarëve dhe se nuk meriton asnjë ditë më shumë në pushtet.
Gjatë intervistës, Blushi foli për zhvillimet e fundit politike në vend, protestat e opozitës dhe përshkallëzimin e aksionit opozitar më 20 shkurt, duke theksuar se, sipas tij, rruga e vetme mbetet përballja në rrugë dhe në institucione, por duke përjashtuar dhunën si alternativë.
“Ramën nuk ka fuqi në botë që e mbron. Edi Rama nëse do të ishte aq trim sa hiqet, nuk do fshihej as pas fustanit të Belindës, as pas fustanit të Mirlindës as pas atyre gorillave që mban siç e pamë në Durrës për të trembur shqiptarët. Asgjë nuk e shpëton dot Ramën, mund të çmendet nesër mund të ndryshojë dhe Kushtetutën ta shpallë këtë vend diktatorial, ju mendoni se këto mund ta shpëtojnë Ramën… Gjithçka mund të ndodhë me një shumicë rafraktare në raport me Kushtetutën me ligjin, nuk kam asnjë shpresë. Kush ka iluzion apo shpresë te Rama ose është naiv ose është i painformuar. Unë nuk do komentoj asnjë vizitë të asnjë përfaqësuesi sepse nuk i di arsyet e vërteta. Por gjithë shqiptarët e dinë se kush po i vjedh sot.”, tha ai.
