Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Më datë 22.07.2026, rreth orës 08:25, në varrezat e fshatit Morinë është gjetur pa shenja jete shtetasi Sh. H., 35 vje&cced...
POLITIKE
"Rama si ish-kryeministri italian që ia mbathi nga vendi", Berisha: Ka marrë në dosjen "Craxi", është i pashpresë
PiranjatPërditësimi i fundit 4 Maj 2026, 18:05
Kreu i PD-së Sali Berisha ka aluduar se kryeministri Edi Rama ka filluar të kërkojë për vende të mundshme për tu strehuar.
Duke folur në Parlament, Berisha deklaroi se Rama mund të ndjekë të njëjtën rrugë si Bettino Craxi, ish-kryeministri i Italisë.
Craxi si ekonomist vlerësohej në Itali, por për shkak të akuzave për korrupsion u detyrua të largohej nga vendi, të shkonte në Tunizi dhe të linte amanet që varri i tij të shikonte nga Italia, por të mos e çonin kurrë në Itali nëse nuk e shpallnin të pafajshëm
"Kreu juaj mori në duar dosjen ‘Craxi’. ‘Craxi’ është socialisti që ia mbathi pasi vodhi dhe u instalua në Tunizi. Edhe këto vizitat e tij nëpër vendet e Gjirit druaj se kanë të njëjtin kuptim. Për çfarë i duhet dosja ‘Craxi’? E di që është në rreth të kuq nga shqiptarët. Është i pashpresë. Aktet e tij janë bërë të njohura në mbarë botën”, tha Berisha.
Benedetto “Bettino” Craxi ishte një nga politikanët më të rëndësishëm të Italisë në fund të shekullit XX. Ai shërbeu si kryeministër i Italisë në vitet 1983–1987, duke u bërë i pari socialist që drejtoi qeverinë italiane për një mandat të plotë. Si lider i Partisë Socialiste Italiane (PSI), Craxi luajti rol të madh në modernizimin e partisë dhe në forcimin e rolit të saj në politikën kombëtare.
Megjithatë, karriera e tij politike u trondit rëndë nga skandalet e korrupsionit në fillim të viteve ’90, të njohura si hetimet “Mani Pulite” (Duart e Pastra). Hetimet zbuluan një sistem të gjerë ryshfeti dhe financimi të paligjshëm të partive politike, ku edhe Craxi u akuzua si një nga figurat qendrore. Ai u përball me disa procese gjyqësore dhe u dënua për korrupsion dhe financim të paligjshëm.
Përballë dënimeve dhe presionit gjyqësor, Craxi u largua nga Italia në vitin 1994 dhe u vendos në Tunizi, në qytetin Hammamet. Autoritetet italiane kërkuan ekstradimin e tij, por ai nuk u kthye më në vend. Craxi e konsideronte veten viktimë të një ndjekjeje politike, ndërsa kritikët e shihnin si simbol të korrupsionit të klasës politike italiane të asaj kohe.
Ai jetoi në mërgim deri në vdekjen e tij në vitin 2000 në Tunizi, duke mbetur një figurë e debatueshme në historinë politike të Italisë.
