Një ngjarje e rëndë ka ndodhur në zonën e Lozhanit në Maliq ku një efektiv i forcave ‘Shqiponjave’ ka mbetur i ...
POLITIKE
Rama takim me bizneset e transportit në Portin e Durrësit: Koncesioni i skanimit ishte më i gabuari i mundshëm, por ka ulur kontrabandën
r.llPërditësimi i fundit 8 Prill 2025, 14:53
DURRËS- Kryeministri Edi Rama po zhvillon sot një takim me përfaqësuesit e bizneseve të transportit në Portin e Durrësit. Gjatë fjalës së tij në takim, Rama tha se koncesioni i skanimit ishte më i gabuari i mundshëm. Sipas tij, ky koncesion nuk është hequr për shkak se do të krijonte një kosto të lartë në arbitrazh.
Ai shtoi më tej se me anë të një marrëveshje do të lehtësohet procesi i skanimit. Rama tha se ajo që do të bëjnë është që nuk do bëhen 100% kontrolle, por kontrollet do bëhen në bazë të riskut. Kryeministri u shpreh se përtej kostos që ka ky koncesion për operatorët e ka ulur në mënyrë të ndjeshme kontrabandën.
"Tema për të cilën jemi këtu, është tema e skanerit. Ky është një koncesion më i gabuar i mundshëm që mund të imagjinohet. Një koncesion atipik që ne e kemi trashëguar. Nuk e kemi pasur ta mundur ta godasim për shkak të paktit që ashtu siç është kopsitur do të na krijonte një kosto shumë të lartë në arbitrazh.
Jemi munduar ta vëmë në shfrytëzim dhe të lehtësojmë koston mbi ju. Kemi bërë një negociatë me ju atëherë që e kemi ulur nga 45 euro në 22, por mbetet një koncesion i gabuar totalisht sepse skanimi i kamionëve nuk është nevoja juaj, por nevojë e shtetit për çështje të sigurisë dhe luftës kundër kontrabandës. Këtu jemi para një situatë që do zgjasë deri në 2030, e dini afatin. Ajo që do bëjmë ne është që duke pasur parasysh natyrën e aktiviteteve tuaja, të kontributeve tuaja si taksapaguesve ne do fillojmë të operojmë jo në bazë të kontrollit 100%, por kontrollit në bazë të riskut. Pra nga 100 dalje nga porti vetëm në 10 raste do bëhet skanimi.
Është një shifër e arsyeshme si fillim, më pas do shkohet më pak që të kalojmë në një skemë që të mos jetë e ndarë me ju, por në një numër më të vogël kontrollesh, por kontrolle të befasishme për të parë gjithmonë mbi bazë risku apo sinjalizimi nëse ka probleme apo jo. Përtej kostos marramendëse që ka ky koncesion për operatorët e ka të mirën që e ka ulur në mënyrë të ndjeshme kontrabandën.", tha Rama.
