Përpara bllokut të sigurisë pranë Komisariatit nr. 3 në Tiranë, një burrë 54-vjeçar përpiqet të mbaj&...
POLITIKE
Raporti OSBE “rrëzon” zgjedhjet/ Berisha: Shqiptarët duhet të ngrihen për votën e lirë
PiranjatPërditësimi i fundit 23 Tetor 2025, 13:15
Kreu i Demokratëve Sali Berisha tha sot se raporti i OSBE është mjaft shqetësues.
Ai ju bëri thirrje shqiptarëve të ngrihen në emër të votës së lirë.
"Ky parlament është armiqësor, nuk përfaqëson qytetarët dhe ka vulosur fundin e tij, tha Berisha ndër të tjera.
Me daljen e raportit Berisha thotë se triumfoi e vërteta.
Pjesë nga fjala e Berishës
Siç e shihni, shqiptarët bazuar në këtë raport, kanë detyrimin madhor të ngrihen për zgjedhje të lira dhe të ndershme.
Ju konstatoni që parlamenti i dalë nga zgjedhjet e 11 majit është parlamenti më armiqësor ndaj shqiptarëve në historinë 32-vjeçare. Është parlamenti që miratoi qeverinë dhe programin e saj për 28 minuta. Është parlamenti që shkelmon ligjin dhe Kushtetutën për të mbyllur seancat pa diskutime.
Është parlamenti në të cilin refuzohen interpelancat nga kryeministri. Në të cilin refuzohen komisionet hetimore për kryeministrin.
Është parlamenti që po firmos fundin e tij të turpshëm. Faktikisht vdekjen e tij. Rikthehuni pak në komisionet parlamentare se si drejtuesit socialistë të këtyre komisioneve qëndronin para Altin Troplinit dhe të tjerëve sikur të ishin mbushur plot nga frika.
Pra, unë përshëndes dhe shpreh mirënjohje ndaj vëzhguesve. Unë mirëkuptoj vështirësitë e tyre për publikimin, ndaj dhe u vonua raporti se u bënë përpjekje të mëdha për ta çuar në kalenda. Por jo, triumfoi e vërteta. Triumfoi arsyeja. Edi Rama donte me çdo kusht që raporti të mos publikohej. Por ja ku është raporti. E keni në ueb.
Ka çdo fjalë dhe çdo presje që kishte raporti i parë, çka është një bazë e fuqishme shprese që shqiptarët të ecin drejt zgjedhjeve të lira. Le të bëjnë ç’të duan, asgjë nuk do ndalë përpjekjen tonë për rikthimin e votës së lirë tek Shqiptarët.
