Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
Reforma zgjedhore/ Bylykbashi: Kushdo që është jashtë Shqipërisë dhe ka një dokumentacion do të ketë të drejtën e votës
S.BPërditësimi i fundit 19 Korrik 2024, 14:24
Oerd Bylykbashi
TIRANË- Deputeti i Partisë Demokratike Oerd Bylykbashi në një komunikim foli për reformën zgjedhore përkatësisht për propozimin e bërë nga opozita lidhur me votën e shqiptarëve të cilët jetojnë jashtë vendit. Sipas Bylykbashit opozita u desh të përballej me mazhorancën me këtë draft i cili është me i gjerë.
Më tej deputeti thot se pas debatit të gjatë, gjykon se do të ecet para. Sipas tij kushdo që është jashtë Shqipërisë dhe ka një dokumentacion dhe adresë që mund të komunikojnë do kenë të drejtën e votës.
Fjala e plotë:
“PD dhe opozita kanë bërë propozimin për votën nga jashtë Shqipërisë. Ne u përballën me mazhorancën me këtë draft tonin që është më i gjerë. Të gjithë shtetasit shqiptarë duhet të kenë të drejtën për të votuar nëse ata ndodhen jashtë Shqipërisë. Ata që janë emigrant dhe kanë një adresë, ata që janë për arsye pune, studentët, ushtarakët, të gjithë këta të kenë mundësinë që të regjistrohen pa pengese në KQZ me dokument të qartë që shërben vetëm për ato zgjedhje dhe nuk ka ndikim për aspekte të tjera. Patëm një debat dhe diskutim të gjatë, u lanë detyra të tjera për të qartësuar detajet e fundit. Por gjykoj që do të ecet përpara. Votimi nga jashtë, jo vetëm diaspora, por të gjithë shqiptarët që kanë të drejtën kushtetuese të votojnë. Kemi ecur në diskutime dhe detaje teknike. Ajo që është e rëndësishme është që kjo të jetë e drejtë efektive. Ne u përpoqëm të imponojnë këtë. Nuk mund të ketë dy kategori shqiptarësh, ata që janë regjistruar në mënyrë të ligjshme dhe ata që janë regjistruar në mënyrë të paligjshme, kushdo që është jashtë Shqipërisë dhe ka një dokumentacion dhe adresë që mund të komunikojnë do kenë të drejtën e votes.”
