Dritare të thyera, njolla zjarri nëpër mure: ministria e Arsimit në Tiranë mbart gjurmët e protestave të ditëve të...
POLITIKE
Rritja e pensioneve me 500 lekë, Tabaku: Nuk mjaftojnë as për kafe, mashtrime dhe premtime boshe
PiranjatPërditësimi i fundit 17 Tetor 2025, 12:38
Deputetja e Partisë Demokratike, Jorida Tabaku, ka folur për rritjen e fundit të pensioneve, duke e cilësuar atë si një masë të pamjaftueshme dhe të pavlefshme për përmirësimin e jetesës së pensionistëve shqiptarë.
Në një postim në Facebook, Tabaku thekson se 15 lekë në ditë, rritja e pensioneve që është shpallur nga qeveria, nuk u del pensionistëve as për të blerë një kafe në mëngjes. Sipas saj, kjo është një shenjë e qartë e indiferencës dhe mungesës së kujdesit për një nga shtresat më të cenueshme të shoqërisë.
Ajo e ka quajtur trajtimin e pensionistëve nga qeveria si mashtrim dhe premtime të pambajtura.
Tabaku:
Pak ditë më parë, socialistët u krenuan me “rritjen e pensioneve”.
Në fakt, ishte një rritje 15 lekë në ditë — aq sa nuk mjafton as për një kafe në mëngjes.
Në 12 vite pushtet, janë sjellë me pensionistët si me çdo gjë tjetër: me mashtrime dhe premtime boshe.
Çdo vit flasin për rritje, ndërsa realiteti është një — pensionistët janë më të varfër se kurrë.
Sipas Institutit të Vjenës për Studime Ndërkombëtare, pensionet shqiptare sot janë vetëm 8 % e mesatares së BE-së. Pra, flasin për integrimin në BE në 2030, ndërsa pensionistët tanë jetojnë me pensione që s’janë as 1/10 e Europës.
Ndërkohë, çmimet janë rritur me mbi 60 %. Pensionisti shqiptar sot blen më pak ushqim, më pak ilaçe dhe më pak shërbime se një dekadë më parë.
Në një vend ku 1 në 3 qytetarë është mbi 60 vjeç, kjo nuk është thjesht statistikë — është varfëri e institucionalizuar.
