Prokuroria e Tiranës ka regjistruar vetëm tre procedime penale lidhur me dëmtimet e shkaktuara protestuesve gjatë javës së fundit,...
POLITIKE
Salianji kritika ndaj policisë në Komisionin e Sigurisë: Ardi Veliu nuk lexonte dot abetaren! Po tenderoni drejtorët në qarqe që të ndihmojnë në zgjedhje
n.fPërditësimi i fundit 23 Shtator 2024, 15:26
Salianji
TIRANË- Deputeti i PD Ervin Salianji, në fjalën e tij në Komisionin e Sigurisë, kritikoi institucionin e Policisë së Shtetit. Salianji tha se ish-drejtori Ardi Veliu nuk lexonte dot as abetaren. Ai tha se Policia e Shtetit sot është një strukturë, që është bërë copë. Ndërsa, në një moment i tha kryetarit të Komisionit, Nasip Naço, nëse donte që të vinte sërish tek opozita.
"Ardi Veliu nuk lexonte abetaren. Ai tha se vrasja e Klodian Rashës ndodhi sepse kishte pistoletë në dorë. Struktura e Policisë së Shtetit është bërë copë. Nuk janë arrestuar krerë të organizatave kriminale.
Nasip Naço vdes të vijë prapë me ne. Të thashë dhe njëherë që hajde tek ne, sepse po shikon veç lëvizjet tona. Drejtuesi i SPAK ka thënë se operacionet e policisë dekonspirohen. Krimi zgjedh drejtuesit e policisë," tha ai.
Gjithashtu deputeti i PD u shpreh se po tenderohen drejtorët e policisë në qarqe që të ndihmojnë në zgjedhje, ndërsa theksoi së kjo është fakt. Ai më tej shtoi se në zgjedhjet e kaluara është përdorur OFL.
“Gjatë procesit të filtrimit të kandidatëve për drejtor të policisë së shtetit, a i kërkohet informacion për kandidatët SPAK apo jo. Se ka një shqetësim nga ajo strukturë se janë të lidhur me krimin. Që ta parandalojmë këtë.
Tha ministri që janë skualifikuar 4 kandidatë. Po pse ka dijeni ministri për këtë kur ka një komision me 3 anëtarë. Të mbarojë procesi, të kemi një sistem pikëzimi dhe pastaj ta diskutojmë, ose ta nxjerrë komisionin dhe ta sqarojnë. Por kjo tregon se e keni të paracaktuar.
Dy gjera do ju them, vjedhja e zgjedhjeve nuk është lishencë për debiliteti për të dhënë cdo gjë, nuk është lishencë për të vjedhur. Argumenti dhe diskutimi për cdo përgjegjës dhe përgjegjësitë që ka cdo institucion nuk të bëjë me votën.
Më mirë të jetë mik me ministrin, drejtori i përgjithshëm sesa të jetë mik dhe vartës i krimit të organizuar. Po i tenderoni drejtorët e policisë në qarqe që të ndihmojnë në zgjedhje, kjo është fakt. Në zgjedhjet e kaluara është përdorur OFL. Ti kishe drejtorin e policisë analfabet, Ardi Veliun, nuk lexonte dot abetaren, bënte A dhe mbetej te B. Vetëm A kishte mësuar. A doli dhe tha që në Elbasan nuk kishte ngjarje…? E ka pasur drejtor të përgjithshëm dhe drejtor AMP. Tha vrasja e Klodian Rashës ndodhi se kishte pistoletë në dorë”, tha Salianji.
