Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
"Sanksione për interesa politike!" Malltezi publikon letrën e Rubio-s: Na tregon falsitetin e Blinken si kukull e Soros, ndaj u tërbuan kur Berisha e çoi në gjyq për shpifje
M.B.Përditësimi i fundit 14 Nëntor 2024, 11:44
TIRANA- Drejtuesi i Departamentit të Mjedisit në Partinë Demokratike, Jamarbër Malltezi ka bërë një postim në rrjetet sociale ku ka publikuar një dokument dhe shkruan se Sekretari amerikan i Shteti i zgjedhur nga Donald Trump, Marco Rubio na tregon qartë falsitetin dhe hipokrizinë e sekretarit aktual Antony Blinken. Në dokumentin e publikuar nga Malltezi, Ruboi ngre problemin se sanksionet po përdoren politikisht ndaj njerëzve të afër me SHBA-në. Sipas Rubio-s, ky proces ka nisur që në vitin 2021.
"Ne ju shkruajmë për të shprehur shqetësime të thella për keqpërdorimin e autoriteteve të ofruara nga Kongresi nga administrata juaj për të luftuar korrupsionin në Amerikën Latine dhe Karaibe në kurriz të interesave strategjike të sigurisë kombëtare të SHBA-së.
Më 17 janar, administrata juaj caktoi ish-presidentin e Guatemalës, Alejandro Giammattei, për akte të rëndësishme korrupsioni sipas nenit 7031(c) të Aktit të Departamentit të Shtetit, Operacioneve të Jashtme dhe Programeve të Përafërta. 2023 (Div. K, P.L. 117-328). Gjatë mandatit të Presidentit Giammattei. Guatemala ishte një partner i fortë i sigurisë i SHBA-së i angazhuar për ekstradimin e disa kontrabandistëve të qenieve njerëzore dhe shkatërrimin e opioideve sintetike të paligjshme. Guatemala forcoi marrëdhëniet me Tajvanin, hodhi poshtë lidhjet me Pekinin, e cilësoi Hezbollahun një organizatë të huaj terroriste dhe mbështeti të drejtën e Izraelit për vetëmbrojtje kundër sulmeve të tmerrshme nga terroristët e Hamasit të mbështetur nga Irani në tetor.
Ky rast ndjek një model shqetësues. Që nga janari 2021, shumica dërrmuese e përcaktimeve publike të bëra sipas seksionit 7031(c) kanë synuar zyrtarë në qeveritë e Amerikës Latine dhe Karaibeve që kanë bashkëpunuar me Shtetet e Bashkuara për interesat strategjike diplomatike dhe të sigurisë kombëtare", shkruhet ndër të tjera nga Rubio.
Lidhur me këtë letër, Malltezi shton se tregohet se Blinken si kukull e Soros dhe keqpërdor pushtetin për interesat politike dhe se këtë e ka bërë kudo.
"Marco Rubio na tregon qartë falsitetin dhe hipokrizinë e Blinken si kukull e Soros dhe keqpërdorimin e pushtetit për interesat politike. E paskan bërë kudo pisllëkun me sanksionet ndaj u tërbuan kur doli Berisha dhe e çoi në gjyq për shpifje", shkruan Malltezi.
