Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
Seanca për dosjen 5D/ Avokati i Redi Mollës: I takon organit të akuzës të thërrasë sa dëshmitarë të dojë për të provuar akuzën
PiranjatPërditësimi i fundit 22 Maj 2025, 12:51
Redi Molla
TIRANË- Seanca gjyqësore e dosjes 5D është mbajtur ditën e sotme në GJKKO. Avokati i ish-drejtorit të bashkisë, Redi Molla, Ermir Beta ka deklaruar se prokuroria duhet që të thërrasë dëshmitar për të provuar akuzat.
“Kërkojmë kohë për tu njohur me rëndësinë që ka secili dëshmitar. Më herët prokurori relatoi se do të pyeten 80 dëshmitarë, por sot ka hequr 20 prej tyre”, tha avokati.
Ndërkohë që prokurori theksoi se dëshmitarët nuk janë hequr nga procesi, por ndodhen në procesin paralel që po zhvillohet.
“Avokatët kishin kohë mjaftueshëm për tu përgatitur. Kërkojmë që të pezullohen afatet e paraburgimit”, tha prokurori.
Më 2 korrik të 2024 SPAK i komunikoi akuzat “korrupsion pasiv” dhe “mosdeklarim të pasurisë” Redian Mollës dhe Mariglen Qatos, ndërsa Taulant Tushes i komunikoi akuzën “shkelje e barazisë në tendera”. Tre ish-drejtorët u arrestuan në muajin mars të vitit të kaluar me urdhër të Prokurorisë së Posaçme Antikorrupsion, në kuadër të hetimeve për dosjen “5D”. Ata u lanë në masën “arrest në burg”, ndërsa pesë persona të tjerë në masën “detyrim paraqitje”, konkretisht Enton Punavija, Julian Zanaj, Albano Janku, Nestor Muhamellari, Deborah Keçi dhe Englatina Zere.
Sipas SPAK, Qato dhe Molla janë pronarë de facto të kompanisë “5D”, e cila sipas hetimeve, ka rezultuar fituese në disa tendera pranë bashkisë. Bëhet fjalë për 11 procedura tenderimi në harkun kohor të 6 viteve, nga 2016 deri në 2022. Kompania njihet dhe me dy emra të ndryshëm “Igor Electric” dhe “Vas construcion".
