Në prag të miqësores Shqipëri – Izrael, e cila do të mbahet sonte në stadiumin “Air Albania” të Tiran&...
POLITIKE
Shehu: Rama në pikën më të dobët të besueshmërisë, pse nuk e shkarkoi Ballukun?
PiranjatPërditësimi i fundit 20 Nëntor 2025, 22:32
E ftuar sot në 'ÇIM PEKA LIVE', gazetarja Jonida Shehu komentoi pezullimin nga detyra të Zëvendëskryeministres dhe Ministres së Infrastrukturës, Belinda Balluku, pas vendimit të SPAK. Shehu vuri në dukje se reagimi i Kryeministrit Edi Rama në këtë rast ndryshon dukshëm nga qëndrimet e tij të mëparshme ndaj zyrtarëve të lartë të prekur nga hetimet.
Sipas Shehut, Rama është shfaqur i papërgatitur dhe i paqartë në pozicionimin e tij ndaj Ballukut, ndryshe nga rastet e mëhershme kur ai ka mbajtur një qëndrim të prerë publik dhe ka distancuar Partinë Socialiste nga zyrtarët nën hetim. Ajo theksoi se përpara rasteve të Erion Veliajt dhe Belinda Ballukut, kryeministri kishte deklaruar publikisht se askush nuk do të kishte mbështetjen e PS-së nëse kishte keqpërdorur detyrën.
Duke iu referuar arrestimit të Veliajt pak muaj më parë, Shehu tha se Rama mund të ketë qenë i kushtëzuar nga afërsia me zgjedhjet dhe mungesa e kompetencave për të shkarkuar një kryebashkiak. Ndërsa për Ballukun, sipas saj, pritej një reagim i menjëhershëm politik për të ruajtur integritetin e qeverisë dhe besueshmërinë e shumicës.
Shehu u shpreh se sot, ndonëse Rama qëndron në pozicionin më të fortë numerik me 83 mandate, besueshmëria dhe legjitimiteti i tij publik janë në pikën më të ulët, edhe për shkak të hetimit që po përballet Balluku.
“Pse Rama nuk e ka shkarkuar zonjën Balluku? Dorëheqja mund të jetë diskrecioni i saj personal, por shkarkimi është vullnet i kryeministrit. SPAK ka marrë një masë, ashtu siç masa do të ishte edhe shkarkimi nga detyra. Rama kishte hapësirë të vepronte përpara se të vepronte SPAK-u,” deklaroi Shehu.
Ajo shtoi se kryeministri ka pasur kohë dhe mundësi politike për të reaguar më herët, por zgjedhja për të mos e bërë mbetet një nga pyetjet kryesore të ditës.
Shehu:
Ideja është që a i interesonte Ramës kjo gjë? Për mua është dukur si i papërgatitur dhe ajo që shoh unë dhe që është shumë e dukshme është çfarë ka ndryshuar në qëndrimet politike të Ramës në raport me zotin Veliaj, me zonjën Balluku dhe me ata që kanë qenë përpara, se SPAK-u e ka nisur historinë përpara dhe Rama e ka nisur narrativën politike përpara rastit Veliaj dhe Balluku.
Tani që ne në nëntë muaj kemi një precedent që kemi nivelet më të larta të politikës që kanë shkuar në SPAK, ky është fakt. Që Rama ka pasur tjetër narrativë përpara rastit Veliaj dhe Balluku, edhe ky është fakt. Le të themi përpara rastit Veliaj, ai më përpara i ka shkarkuar, ka dalë edhe publikisht edhe ka thënë, ta keni për nder detyrat që ju kam dhënë, ëh, në qoftë se i keni keqpërdorur, nuk do keni avokati të Partisë Socialiste, as mua, as qeverinë. Keni ngrënë dardha pas shpinës time, kështu që përballuni vetë me ligjin në qoftë se do vijë situata aty.
Kur erdhi rasti i Veliajt, mbase sepse ishte përpara zgjedhjeve dhe u desh të bënte të atë mbrojtjen publike kur Veliajn e arrestuan. Mbase sepse nuk kishte kompetenca për të shkarkuar Veliajn, se ishte pushtet vendor edhe jo në dorë të kryeministrit. Le të themi, mbi Veliajn veproi SPAK-u drejtpërdrejt dhe Rama ishte njeriu që veproi pas vendimit. E dyta, kemi situatën e zonjës Balluku.
Ajo që ne kemi pritur, nëse do ishim me Ramën e përpara shkurtit, do prisnim që në momentin që ajo do kuptonte që je në hetim, do e shkarkonte dhe do vazhdonte të ruante edhe qeverinë, edhe 83 mandatet që, le të themi, sot po i humbasin besueshmërinë dhe legjitimitetin. Sot Rama është në pikën më të fortë me numra, po në pikën më të dobët nga pikëpamja e besueshmërisë dhe e legjitimitetit, edhe për shkak të hetimit të zonjës Balluku.
Pyetja që kam unë është, pse Rama, po. Pse Rama nuk e ka shkarkuar zonjën Balluku? Ne thamë, dorëheqja është diskrecion i saj personal dhe shkarkimi është në vullnetin e kryeministrit. Pse ajo nuk e ka dhënë dorëheqjen, mund ta kuptoj. Pse kryeministri nuk e ka shkarkuar, këtë dua ta kuptoj, sepse vendimi, që ka marrë SPAK-u sot, le të themi, është një lloj mase.
Edhe ndalimi i pasaportës, po edhe shkarkimi... Është masë. Edhe shkarkimi nga detyra është një gjë që SPAK-u, le të themi, është detyruar ta bëjë këtë, po, e ka pritur kohën e reagimit të Ramës edhe të Ballukut në pozitën e politikanëve.
Unë e kam thënë që në fillim, që përpara se zonja Balluku të shkonte në SPAK. E ka pritur, le të themi, ka pasur hapësirë Rama që të veprojë pa vepruar SPAK-u.
