Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
"Shqipëria Bëhet" dhe Nisma Thurje zyrtarizojnë koalicionin për zgjedhjet/ Lapaj: Do të mbështesim drejtësinë në çdo dimension, po negociojmë edhe me subjektet e tjera
r.llPërditësimi i fundit 28 Shkurt 2025, 11:31
foto ilustruese
TIRANË- Lëvizja "Shqipëria Bëhet" e Adriatik Lapajt dhe Nisma Thurje e Endri Shabanit kanë zyrtarizuar ditën e sotme koalicionin për zgjedhjet parlamentare të 11 majit. Lapaj bëhet me dije se është caktuar drejtues i koalicionit që do të quhet "Nisma Shqipëria Bëhet".
Lapaj gjatë fjalës së tij u shpreh se emërimi i tij si drejtues është vetëm formale, për shkak se drejtimi do të jetë nga një këshill i anëtarëve përbërës të koalicionit. Më tej ai njoftoi se janë në negociata me subjekte të tjera dhe se deri në fund të afatit zyrtar për koalicionet do të ketë bashkime të reja.
“Koalicioni do të quhet "Nisma Shqipëria Bëhet". Unë kam kënaqësinë të nënshkruaj këtë marrëveshje bashkëpunimi me Nismën Thurje dhe me Lidhja për të Drejtat e Punëtorëve Shqiptarë, uroj që në këto 48 orë të shtohen edhe subjekte të tjera.
Dua ti bëj thirrje çdo qytetari që të ndjekë zemrën e tij krah ndryshimit. Ky është koalicioni i drejtësisë, ne do ta mbështesim atë në të gjitha dimensionet. Është një koalicion që u jep shqiptarëve një mundësi për të zgjedhur një alternativë për ndryshimin e Shqipërisë. Nuk vëmë baste sa mandate do të marrim, sepse nuk blemë vota, ne marrëdhënien e kemi me qytetarët.
Kemi thënë që s’ka bashkëpunim me asnjë prej subjekteve që kanë përfaqësuar rrënimin e Shqipërisë dhe do bëjmë çdo tentativë për të punuar me subjekte që nuk bartin mëkate të 34 viteve. Dua të theksoj se jemi në negociata dhe deri në fund të afatit koalicionit do t’i bashkohen edhe subjekte të tjera”, u shpreh Lapaj.
