Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Skandali i Onkologjikut, Koçiu i përgjigjet Shehajt: Kemi rritur inspektimet dhe kontrollet mbi subjektet farmaceutike, çdo subjekt që kryen këtë shkelje do mbajë përgjegjësi ligjore
M.B.Përditësimi i fundit 14 Nëntor 2024, 13:16
TIRANA- Ministrja e Shëndetësisë iu përgjigj pyetjeve të deputetit opoitar Agron Shehaj në interpelancën lidhur me skandalin e Onkologjikut teksa tha se janë shtuar kontrollet në spitale dhe janë marrë edhe masa administrative. Koçiu tha se janë bërë 500 inspektime. Po ashtu ministrja shtoi se tregtimi në rrjet të hapur të barnave për përdorim spitalor përbën shkelje të legjislacionit dhe se çdo subjekt që kryen këtë shkelje do mbajë përgjegjësi.
"Ministria e shëndetësisë është në dispozicion të organeve të drejtësisë për të vërtetën. Ajo që ka zbardhur mediat janë indikacione por nuk janë prova. Meritojnë të vlerësohen me kujdes. Ne si ministri kemi rritur inspektimet dhe kontrollet mbi subjektet farmaceutike. Në vitin aktual nga janar në nëntor kemi 500 inspektime ku janë aplikuar masa administrative.
Tregtimi në rrjet të hapur të barnave për përdorim spitalor përbën shkelje të legjislacionit. Çdo subjekt që kryen këtë shkelje do mbajë përgjegjësi ligjore. Nuk dua të shmang përgjegjësinë për stafet administrative për kontrolle periodike në farmaci dhe spitale. Kushdo që ka shkelur ligjin është i barabartë para ligjit. E kemi treguar për këdo. Kemi përgjegjësi të referojmë çdo rast dhe të marrim masa dhe mbështesim pa hezitim veprimtarinë e organeve hetimore", tha Koçiu.
