Një banore ka denoncuar në redaksinë e Piranjat news, një problem të rëndë higjieno-sanitar në banesën e saj n&eu...
POLITIKE
Skandali Rama-McGonigal/ World Tribune: Familja Biden përfitoi miliona dollarë në një vit nga kompania kineze
PiranjatPërditësimi i fundit 25 Shtator 2025, 10:21
Skandali i aferës Rama-McGonigal vazhdon të jetë lajm kryesor në mediat ndërkombëtare, sidomos në gazetat amerikane.
Në një kohë që Edi Rama nuk shkoi dot në SHBA për vizitë, këto media theksojnë se familja Biden është e implikuar në dimensionin kinez të kësaj afere, e cila është theksuar së fundmi nga një raport i Inspektorit të Përgjithshëm të Ministrisë së Drejtësisë në SHBA. Rikujtojmë se Edi Rama është i lidhur me kompaninë kineze përmes këshilltarit të tij, Dorian Duçka.
Kompania në fjalë ka paguar fluturimet luksoze të Edi Ramës në Azi dhe një ekspozitë personale në Hong Kong
Nga “World Tribune”
Një ish-zyrtar i FBI-së, i cili aktualisht po vuan dënimin me burg, ka lajmëruar drejtuesin e një kompanie kineze të lidhur me familjen Biden për një hetim të madh federal ndaj familjes Biden, sipas një raporti të inspektorit të përgjithshëm të Departamentit të Drejtësisë.
Charles McGonigal, zyrtari i lartë i kundërzbulimit i FBI-së në Nju Jork, kishte rrjedhur detaje nga hetimi i zyrës ndaj China Energy Fund Committee (CEFC) te drejtuesi i saj i lartë Patrick Ho, i cili u dënua në gjykatë federale për ryshfet ndaj zyrtarëve afrikanë në vitin 2019.
Këto detaje dëmtuese u zbuluan për herë të parë më 2 shtator nga Inspektori i Përgjithshëm i Departamentit të Drejtësisë dhe janë pjesë e një serie rastesh shumë dëmtuese të sigurisë së brendshme për seksionin e kundërzbulimit të FBI-së, siç theksohet në këtë raport.
Djali i ish-presidentit Joe Biden, Hunter, dhe vëllai James Biden morën 4.8 milion dollarë nga CEFC në 2017 dhe 2018, sipas një hetimi të Kongresit.
Hunter Biden e kishte përshkruar njëherë Ho, nënkryetarin e CEFC, si klientin e tij dhe “kreun e shërbimit sekret të Kinës”, sipas një hetimi të Dhomës së Përfaqësuesve për familjen Biden.
McGonigal u dënua në 2023 me gjashtë vite e gjysmë burg për shkelje relativisht të vogla, si fshehja e fakteve materiale ndaj hetuesve dhe shkeljen e ligjeve ekonomike, si pjesë e një marrëveshjeje për pranimin e fajësisë.
Krimi i tij kishte të bënte me bashkëpunimin me një oligark rus për të shmangur sanksionet e SHBA-së, raportoi korrespondenti i sigurisë Bill Gertz për Washington Times.
Megjithatë, FBI kurrë nuk zbuloi publikisht se McGonigal kishte rrjedhur detaje nga hetimi i zyrës ndaj CEFC te drejtuesi i saj i lartë Patrick Ho.
Sipas raportit të Inspektorit të Përgjithshëm, FBI-ja intervistoi një agjent të pensionuar të Shërbimit Sekret, që punonte si hetues privat, i cili i tha FBI-së se James Biden i kishte kërkuar në 2017 të zbulonte nëse ekzistonte një urdhër arresti për Ho.
Me gjuhë të koduar, raporti thoshte se McGonigal ishte përgjegjës për një hetim të FBI-së ndaj CEFC dhe i tha një zyrtari shqiptar që punonte për kompaninë kineze në qershor 2017 “diçka në kuptimin ‘ne po i hetojmë ata’ ose ‘ne po shkojmë pas tyre,’ ” sipas zyrtarit shqiptar, i cili u identifikua vetëm si “Personi B,” gjatë një marrje në pyetje të vitit 2022.
