Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
POLITIKE
Skandali seksual në drejtësi/ Gjoni: Pasojë e reformës dhe kapjes së institucioneve
PiranjatPërditësimi i fundit 24 Mars 2026, 18:48
Ish-gjyqtari dhe deputeti i Partisë Demokratike, Gjin Gjoni, ka reaguar lidhur me ngjarjen e denoncuar në media ndaj anëtarit të KLP, Olger Eminaj, duke e cilësuar atë si të paprecedentë për institucionet e drejtësisë në vend.
Në studion e Task-Forcë, në SYRI TV, Gjoni u shpreh se rasti në fjalë hedh hije të forta dyshimi mbi mënyrën se si është ndërtuar dhe funksionon sistemi i drejtësisë, duke e lidhur situatën me reformën në drejtësi dhe ndikimin politik në emërime e vendimmarrje.
Gjin Gjoni: Ngjarja e cila është transmetuar nga televizioni Klan në emisionin Stop, por edhe njëkohësisht të ritransmetuar dhe të dhënë detajet edhe në televizionet e tjera, është një ngjarje e paprecedent në lidhje me institucionet e drejtësisë, aq më tepër me një institucion... Për një arsye shumë banale, e them, ose mënyra se si janë trajtuar çështjet. E gjithë mënyra se si sistemi i drejtësisë është ndërtuar deri në momentin aktual, ka lënë hije dyshimi, padyshim, që nga momenti i parë e deri në momentin e fundit. Dhe shkaqet tani po zbulohen dhe petët e lakrorit po fillojnë e zbulohen gradualisht.
Ngjarjet e kësaj natyre, të ndodhin në institucionin më të lartë të drejtësisë që i përket pjesës së prokurorisë, për mua është ngjarje e paprecedent, por kjo është vargun e gjithë institucioneve që Partia Socialiste ka ndërtuar sot në Shqipëri. Dhe po të shohësh, që nga institucionet në nivel shumë të lartë e deri tek institucionet më të thjeshta. Pasi është bërë e natyrës që njerëzit të cilët kanë ardhur pa merita dhe për shkak të kulisave, të cilët janë krijuar për shkak të makinacioneve ligjore të cilët sot janë në funksionim jo vetëm në sistemin e drejtësisë, por edhe në të gjithë kupolën shtetërore, rezulton që këta përfitojnë përveç favoreve të tjera të cilët janë favore në lekë, ose përfitime në vlera monetare dhe njëkohësisht edhe në vlera të pasurive të paluajtshme, rezulton që kanë edhe përfitime të tjera seksuale.
Ashtu siç juve e shtjelluat në momentin e fillimit, unë them që kjo është pasojë e asaj mënyre të cilët u bënë reforma në drejtësi. Dhe padyshim, mënyra se si u ndërtua e gjithë piramida për të skualifikuar gjyqtarë dhe prokurorë dhe për të kaluar një pjesë të cilët kishin lidhje me pushtetin e sotëm, rezultoi në këtë deformim që sot po jep produktet e veta, qoftë në vendimmarrjen e cila disa gjyqtarë të specifikë dhe kemi rastin e zonjës të gjykatës speciale ose të posaçme, në rastin e kreut të opozitës dhe njëkohësisht edhe liderëve të tjerë të opozitës, Irena Gjoka, dhe rastet e tjera të cilët dita-ditës po përshfaqen dhe kulmi arrin në momentin e djeshëm, kur ngjarje të tilla të cilët kanë një periudhë kohore të gjatë të cilët rezulton që është zhvilluar, por natyrën dhe problematika ka dalë në pah vetëm ditët e fundit.
