Temperaturat e larta të verës paraqesin rrezik të shtuar për shëndetin, veçanërisht për të moshuarit, fëmi...
POLITIKE
SPAK kërkon ta arrestojë/ Balluku vijon t’i bëjë karshillëk drejtësisë
PiranjatPërditësimi i fundit 6 Janar 2026, 18:17
Belinda Balluku, e marrë e pandehur nga SPAK për shkelje të barazisë në tendera vijon ti bëjë karshillëk drejtësisë. Në një kohë kur SPAK kërkon ti hiqet imuniteti dhe ta arrestojë, Balluku vijon me postimet në rrjete sociale, duke sfiduar hapur gjyqësorin dhe duke injoruar faktin se është një zyrtare e pandehur.
Përmes një postimi në rrjete sociale ajo shkruan se dy fluturime, që ishin parashikuar të mbërrijnë në vendin tonë rreth orës 5 të pasdites, kanë devijuar drejt Barit, për shkak të motit të keq. Një postim tejet normal për situatën e pazakontë në të cilën ndodhet.
“Gjatë 24 orëve të fundit, për shkak të fenomeneve meteorologjike mbi dhe në afërsi të Aeroportit Ndërkombëtar të Tiranës, dy nga fluturimet në ardhje të datës 5, në orët e mbrëmjes, kanë devijuar drejt Barit, për shkak të pamundësisë për të vijuar uljen në mënyrë të sigurt”- shkruan Balluku ndërkohë që SPAK ka theksuar disa herë se lënia e saj e lirë përbën rrezik për prishje të provave dhe intimidim të dëshmitarëve.
Kujtojmë se imuniteti i saj vijon të jetë pezull, pasi Këshilli i Mandateve nuk doli me një vendim mbledhjen e vitit të kaluar. Socialistët kërkuan që mbledhja të shtyhej për në janar të këtij viti, duke i dhënë kohë vartëses së Ramës.
