Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
"Suport moral për Erjonin"/ Publikohen mesazhet, drejtorët detyrojnë punonjësit e administratës të protestojnë për Veliajn (FOTO)
b.zPërditësimi i fundit 12 Shkurt 2025, 17:18
Administrata në proteste
TIRANË - Punonjësit e administratës së Bashkisë të cilët dolën këtë të mërkurë protestuan për arrestimin e kryebashkiakut Erion Veliaj duket se kanë marrë urdhër për ta bërë diçka të tillë.
Në disa foto që po qarkullojnë në media, zbulohen mesazhet që janë dërguar në një grup që quhet "Këshilli Socialist 2024". Siç mund të shihet dhe në fotot e mëposhtme, punonjësve të administratës u është kërkuar që të dalin të protestojnë në shenjë suporti moral për kryebashkiakun Veliaj.
Teksti i mesazheve nga fotot më poshtë:
Ermir: Të dashur socialistë, motra dhe vëllezër të Njësisë II. Ashtu si shumica juaj, edhe unë sot zemrën e kam plot emocione dhe po të filloja të shprehesh këtu, nuk do ndaloja deri në agim… por nuk e gjej me vend as vendin dhe për më tepër as kohën për të bërë diçka të tillë…
Po mjaftohem duke kujtuar se kur Prokuroria kërkoi heqjen e imunitetit për shokun tonë Saimir Tahiri, shumë prej nesh shkuan te kryesia e Kuvendit. Pas arrestimit të tij, takova shumë socialistë të Njësisë 2 por dhe të gjithë Tiranës që kishin shkuar te shtëpia e tij por edhe pranë prokurorisë.
Askush nga Kryesia nuk më tha mua apo dikujt tjetër se ç’duhet të bënim për të mbështetur Kryetarin e Partisë sonë… vetë u organizuam dhe vetë shkuam atje ku e menduam…
Por kjo gjë nuk ndodhi kur u kërkua arrestimi i Zv. Kryeministrit Ahmetaj p.sh. Për t’i vënë pikë muhabetit shokë socialistë. Mendoj se këto lloj reagimesh për mbështetje apo suport moral për Erjonin bëhen me zemër dhe jo me urdhër. Madhështia e Partisë Socialiste qëndron në faktin se di të përshtatet me situatat e reja pa hequr asnjëherë nga idealet e vjetra. Fitore.
Punonjësit e administratës së Bashkisë u mblodhën në protestë mëngjesin e sotëm në ambientet e Prokurorisë së Posaçme duke i bërë presion SPAK-ut. Ata u paraqitën në dyert e SPAK duke penguar furgonin që transportonte Veliajn të futej në institucion. Pas kësaj ata janë rimbledhur jashtë ambjenteve të Gjykatës së Posaçme aty ku po mbahet seanca me dyer të mbyllura për vlerësimin e masës së sigurisë për kryebashkiakun Erion Veliaj, bashkëshorten e tij Ajola Xoxa dhe 6 biznesmenë.
