Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Tabaku: Taksat e qytetarëve përdoren për tendera korruptivë, shqiptarët s’mbushin dot shportën e ushqimeve
PiranjatPërditësimi i fundit 24 Tetor 2025, 12:02
Deputetja e Partisë Demokratike, Jorida Tabaku, ka reaguar në rrjetet sociale lidhur me ndryshimet e fundit të bëra në buxhetin e shtetit, duke i quajtur ato jo si shenjë forcë ekonomike, por si një strategji të qëllimshme manipulimi të opinionit publik.
Në një video të postuar, Tabaku ka theksuar se ndryshimet buxhetore, që janë prezantuar si një masë për të përmirësuar gjendjen ekonomike të vendit, në fakt janë pjesë e një taktike për të shmangur realitetin dhe për të dezinformuar qytetarët. Ajo ka shtuar se këto veprime janë një tentativë për të krijuar një iluzion të një ekonomie të qëndrueshme, ndërkohë që sipas saj, vendi po përballet me probleme të thella financiare dhe ekonomike.
“Suficiti buxhetor që shpall qeveria nuk është shenjë e mirëmenaxhimit, por tregues i një krize që po fshihet pas shifrave,” deklaron Tabaku, duke theksuar se ndërkohë që familjet shqiptare luftojnë për mbijetesë, qeveria mban paratë e mbledhura nga taksat e qytetarëve pa i kthyer ato në shërbime dhe mbështetje reale.
Ajo thekson se sektorë jetikë për ekonominë si bujqësia dhe industria fason janë në rënie të vazhdueshme, ndërsa qeveria ka ulur fondet për bujqësinë me 6% dhe për pushtetin lokal me 10%, duke paralizuar investimet e vogla dhe shërbimet publike.
“Qeveria ato para që i mbledh nga taksat i përdor për tendera korruptivë apo për bonuse elektorale për pensionistët sa herë që ka zgjedhje,” nënvizon deputetja demokrate.
Sipas saj, në vend të një buxheti që përmbush nevojat reale të qytetarëve, Rama ka zgjedhur të vazhdojë për të 13-in vit radhazi të njëjtën mendësi ekonomike që ka sjellë varfëri, rënie prodhimi dhe rritje çmimesh.
“Shqipëria ka nevojë për një buxhet që ndihmon familjet, jo për një propagandë që fsheh krizat me numra,” përfundon Tabaku, duke bërë thirrje për politika që mbështesin shtresat e mesme, prodhuesit vendas dhe fermerët, ata që sot ndihen më të braktisurit nga qeveria.
