Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
"Tani ka filluar puna për së mbari!" Rama takim me fermerët në Cërrik: "Paketën e Maleve" synojmë ta shtrijmë edhe për tokat e punuara
M.B.Përditësimi i fundit 16 Prill 2025, 13:00
CËRRIK- Kryeministri Edi Rama ka zhvilluar sot një takim me disa fermerë në Cërrik nga ku deklaroi se synohet që "Paketa e Maleve" të shtrihet edhe për tokat e punuara. Rama tha se sa i përket regjistrimit, është e vërtetë që ka marrë kohë, për më tepër, sipas tij, duke u nisur nga rrëmuja totale që kanë gjetur në Kadastrën e shtetit. Ai shtoi se tani ka filluar puna për së mbari dhe se po bëhet regjistrimi i invertarizimit dixhital, i kompjuterizuar i tokës, me mbështetjen e BE-së.
"E para sa i përket regjistrimit, është e vërtetë që ka marrë kohë, por duhet të keni parasysh se nuk është punë e lehtë, për më tepër duke u nisur nga rrëmuja totale që ne kemi gjetur në Kadastrën e shtetit. Tani ka filluar puna për së mbari. Po bëhet regjistrimi i invertarizimit dixhital, i kompjuterizuar i tokës, me mbështetjen e BE. Pjesë e angazhimeve tona në procesin e anëtarësimit, parashikohet të përmbyllet si proces deri në 2028. Ndërkohë janë dy komponentë që dua të ndaj me ju. E para duket sikur s’ka të bëjë me ju se quhet paketa e maleve.
Kur ne kemi bërë hap të rëndësishëm për pronësinë, duke iu dhënë mundësi atyre që kanë pronën faktike por nuk e zotërojnë juridikisht se s’kanë dokumentet, do t’u japim mundësi të gjithë atyre që duan të investojnë në këto toka, që me një dëshmi të këshillit bashkiak, të hyjnë në një marrëdhënie me shtetin, ta paguajnë 1 euro, të bëjnë investimin e tyre dhe ta regjistrojnë si tokën e tyre. Ky është proces për të kapërcyer llojet e pengesave burokratike dhe ligjore. Të njëjtin koncept duam ta shtrijmë te toka e punuar", tha Rama.
