Ditën e shtunë vendi ynë do të ndikohet nga kushte atmosferike të qëndrueshme.
Moti parashikohet me kthjellime (diell) si dhe alt...
POLITIKE
“Të pafytyrë”, Berisha: Rama mashtroi shqiptarët se “Venecia” mbrojti Ballukun
PiranjatPërditësimi i fundit 1 Dhjetor 2025, 12:45
Kryetari i PD-së, Sali Berisha akuzoi kryeministrin Edi Rama se interpretoi Komisionin e Venecias sipas interesit të tij në lidhje me pezullimin e Belinda Ballukut nga detyra.
Berisha u shpreh se Rama për të mbajtur veten e tij dhe Belinda Ballukun, pas shpinës së ministres ka ngrënë dardha dhe kumbulla. Rama mashtroi shqiptarët dhe europën, sipas tij komisioni i Venecias nuk pranon apo është kundër pezullimit të ministrave krahas komisionit të Venecias ai rreshtoi gjykatën evropiane e të drejtave e të njeriut.
Pjesë e fjalës së Berishës:
“Dje Edi Rama mori përsipër presionin e jashtëzakonshëm mbi gjykatën kushtuese të dënuar me ligj ne çdo vend. Për të mbajtur veten e tij dhe Belinda Ballukun, pas shpinës së ministres ka ngrënë dardha dhe kumbulla. Rama mashtroi shqiptarët dhe europën, sipas tij komisioni i Venecias nuk pranon apo është kundër pezullimit të ministrave krahas komisionit të Venecias ai rreshtoi gjykatën evropiane e të drejtave e të njeriut.
Le të marrim pak sulmin e paskrupull, e pashembullt ndaj gjykatës kushtetuese dhe sistemit europian të drejtësisë, komisionit të Venecias për sa kuptohet ky mashtrues i shqiptarëve. I referohet komisionit për ato që nuk janë thënë. Rama thotë se pezullimi i Ballukut, duke iu referuar komisionit të Venecias është jo funksional, mashtrim fund e krye. Rama harron se propocionaliteti është një ndër parimet bazë të kushtetutës së Shqipërisë.
Kjo që bëri Rama është anti-demokratike, ky është një mashtrim që u bënë shqiptarëve. Gjykata ka ngritur padi ndaj një ministri ku shqiptarët humbën 97 milionë euro, por me dokumente 15 milionë. Në asnjë nen komisioni i Venecias ka shpjeguar se pezullimi i Ballukut nuk shkel kushtetutën, pezullimi si akt thotë Venecia nuk shkel kushtetueshmërinë. Edi Rama mashtron në mënyrë të turpshme. Nuk ka asgjë anti kushtetuese sipas komisionit të Venecias, jo.
Nënshtrimi i ekzekutivit, sigurisht jemi të gjithë të vetëdijshëm. Venecia nuk ka asnjë vlerësim për ministrat sepse janë të pafytyrë të gjithë, nuk ka shkuar njeri. Po Venecia ka vlerësimin për nenin e pezullimit"./Piranjat.al
