Gjatë deklaratës së tij pas seancës në Kuvend kreu demokrat Berisha tha për gazetarët se, ‘Edi Rama është n&e...
POLITIKE
"Të përfshihet koncepti i familjes bujqësore"/ Korreshi: Është koha që legjislativi të japë një definicion të saktë
PiranjatPërditësimi i fundit 14 Tetor 2025, 12:43
Deklaratat e Ministrit të Drejtësisë, Besfort Lamallari, gjatë seancës dëgjimore në Komisionin e Ligjeve mbi raportin vjetor të ministrisë, sollën debate nga radhët e opozitës, mbi çështjen e pronave dhe përkufizimin e familjes bujqësore.
Deputeti demokrat Saimir Korreshi ngriti shqetësimin e mungesës së një koncepti të qartë për "familjen bujqësore" në legjislacionin shqiptar, duke e cilësuar këtë si një boshllëk serioz në Kod Civil, që po krijon vështirësi në praktikë, veçanërisht në zyrat noteriale dhe në proceset e ndarjes së pronave.
“Në Kodin Civil akoma nuk kemi një koncept se çfarë do të thotë familje bujqësore. Përpara se të bëjmë një Kod Penal të ri, duhet të zgjidhim këtë boshllëk në Kodin Civil. Të gjithë noterët përballen me paqartësi, sidomos në rastet kur bëhen transaksione, firmosen aktet e ‘91-shit apo për ndarje pasurie,” – u shpreh Korreshi.
Ai theksoi se mungesa e një përkufizimi ligjor ndikon negativisht në procese të rëndësishme, si regjistrimi i pasurive të paluajtshme, trashëgimia apo kalimi i pronësisë, duke sjellë interpretim të ndryshëm nga noterët apo edhe nga gjykatat.
“As Gjykata e Lartë nuk ka një qëndrim të qartë mbi këtë çështje. Është koha që legjislativi të japë një definicion të saktë,” – shtoi deputeti.
Korreshi sugjeroi që kjo të jetë një ndër çështjet prioritare në reformimin e kuadrit ligjor, përpara se të ndërmerret rishikimi i thelluar i Kodit Penal, që është aktualisht në proces konsultimi nga Ministria e Drejtësisë.
