Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
“Të vazhdojmë betejën pa kompromis, Meta: Ky regjim do një të shtyrë për të rënë në greminë, ne s’do ja kursejmë!
n.fPërditësimi i fundit 28 Maj 2024, 18:41
Meta
TIRANË- Presidenti i Partisë së Lirisë, Ilir Meta ka mbajtur një konferencë për shtyp ku foli në lidhje me miratimin e rezolutës antikorrupsion së PS-së. Në fjalën e tij Meta u shpreh se përgjegjësi i vetëm për korrupsionin në Shqipëri është Edi Rama. Ai më tej shtoi se detyra e vetme e opozitës është që të vazhdojë betejën pa kompromis.
Meta shtoi se ky regjim ka nevojë për një të shtyrë që të rrëzohet në greminë dhe sipas tij këtë të shtyrë, nuk do t’ja kursejnë.
“Jemi të qartë, i vetmi përgjegjës në Shqipëri për të gjithë këtë korrupsion galoponte është ai që kontrollon timonin dhe gjitha tepsitë që quhet Edi Rama. Kështu që ai ta gëzojë komisionin, detyra e opozitës është të vazhdojë betejën e saj të pa kompromis.
Betejë e pandalshme deri në çrrënjosjen e këtij regjimi dhe ky regjim do bjerë një greminë, do një të shtyrë dhe ne këtë të shtyrë nuk do ja kursejmë”, tha Ilir Meta.
Ndërsa i pyetur pse nuk po zhvillohen takime me partitë opozitare për aksionin kundër qeverisë, Meta tha Partia e Lirisë është në krye të aksionit opozitar, çdo ditë.
“Partia e Lirisë është në krye të aksionit opozitar, çdo ditë. E ka nisur nga vetja vazhdon të përmirësojë organizimin e saj përballë një makinerie që duhet shpartalluar me çdo çmim dhe kjo kërkon një organizim me efikas se deri tani”.
