Përpara bllokut të sigurisë pranë Komisariatit nr. 3 në Tiranë, një burrë 54-vjeçar përpiqet të mbaj&...
POLITIKE
''Shqiptarët të ngrihen dhe të reagojnë''/ Tedi Blushi: Raporti i OSBE e damkos Edi Ramën si armik të votës së lirë
PiranjatPërditësimi i fundit 23 Tetor 2025, 14:54
Përmes një konference për shtyp deputeti i Partisë së Lirisë, Tedi Blushi ka komentuar daljen e raportit të plotë të OSBE, për zgjedhjet e 11 majit.
Blushi thekson se ky raport damkos Edi Ramën si një armik të votës së lirë dhe rrezik si për të ardhmen europiane të Shqipërisë.
''Parlamenti i dalë nga zgjedhjet është vullneti i partisë-shtet,'' tha Blushi ndër të tjera.
Në raport thuhej se u përdor administrata publike dhe se pati pabarazi në zgjedhje.
Pjesë nga Deklarata
Ky raport është dëshmi e qartë dhe e pakundërshtueshme, se zgjedhjet e 11 majit ishin një farsë politike dhe se maxhoranca aktuale ka humbur çdo legjitimitet moral dhe politik.
Kuvendi që doli nga ky proces farsë nuk përfaqëson vullneti e qytetarëve, por është vullneti i partisë-shtet që ka kapur çdo institucion dhe ka përdorur burimet publike si dhe krimin për të tjetërsuar votën dhe penguar rrotacionin politik.
Partia e Lirisë si mbrojtëse e palëkundur e vlerave të lirisë, demokracisë, të pluralizmit politik dhe e integrimit në BE, mbetet më e vendosur se kurrë në misionin e saj politik, për mbrojtjen e votës së lirë.
I bëjmë thirrje çdo shqiptari të ndershëm, të ngrihet dhe të reagojë fuqishëm ndaj këtij narko-regjimi që ka marrë peng shteti, ka kapur për fyti drejtësinë dhe përmes korrupsionit dhe bashkëpunimit me krimin e organizuar po vret çdo ditë të ardhmen europiane të Shqipërisë.
