Një nënë nga Korça, Volsjana Plasa, denoncon se djali i saj 4-vjeçar është dhunuar nga edukatorja në kopshtin nr. ...
POLITIKE
“Testin kritik të korrupsionit e mbani prej dy muajsh në sirtar”/ Zhupa në Kuvend: Me mbrojtjen ndaj Ballukut, po cenoni reformën në drejtësi
PiranjatPërditësimi i fundit 19 Shkurt 2026, 11:42
Deputetja e Partisë Demokratike, Ina Zhupa hodhi akuza ndaj socialistëe se me mbrojtjen që po i bëjnë Belinda Ballukut po cenojnë reformën në drejtësi.
Nga Kuvendi, ku mori fjalën e saj, deputetja theksoi se testi kritik i Shqipërisë ndaj korrupsionit, për të cilin foli zyrtari i Parlamentit Evropian ditën e djeshme, Davis McAllister, ndodhet në sirtarin e Kuvendit prej dy muajsh, duke iu referuar kërkesës së SPAK për t’i hequr imunitetin Ballukut.
Ajo tha se socialistët po veprojnë me dy standarte, duke thënë se “duartroket” punën e institucioneve të drejtësisë vetëm kur goditet opozita, ndërsa kur bëhet fjalë për të vetët, ndërhyn duke ndryshuar ligjet.
“Keni atë korrupsionin penal, për të cilin ua tha dje edhe McAllister, që është testi kritik, dhe testin kritik e mbani prej dy muajsh në sirtaret e kuvendit. Që i garantoni mbrojtje ministres dhe deputetes tuaj. Korrupsioni cenon edhe atë që jeni mburrur vetë edhe reformën në drejtësi. Për ju është e mirë reforma për aq kohë sa merret me opozitën, por kur duhet të arrestohen dhe gjykohen anëtarët e qeverisë duhet të ndryshohen ligjt dhe të mbyllen masat në sirtaret e Kuvendit.“, tha ajo.
