Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
"Tirana, kryeqyteti i fundit në Europë për cilësinë e jetës", Jamarbër Malltezi: Qyteti më i ndotur dhe më i shtrenjtë për metrin katror të pallateve
I.APërditësimi i fundit 29 Korrik 2024, 15:55
Jamarbër Malltezi
TIRANË- Drejtuesi i Departamentit të Mjedisit në Partinë Demokratike Jamarbër Malltezi ka deklaruae se Tirana renditet e fundit në Europë në Indeksin e Cilësisë së Jetës të hartuar nga Numbeo. Gjatë një deklaratë për mediat, Malltezi ka theksuar se Tirana është qyteti më i ndotur për shkak të ndërtimeve pa kriter si dhe qyteti më i shtrenjtë për metrin katror të pallateve. Për këtë shkallëzim që i ka bërë Numbeo Tiranës, Malltezi ka akuzuar të parin e mbi të gjithë, kryebashkiakun e Tiranës, Erion Veliajn.
"Tirana renditet e fundit në Europë në Indeksin e Cilësisë së Jetës të hartuar nga Numbeo. Tirana e Erion Propagandës lë pas vetëm një kryeqytet provincial rus të quajtur Novosibirsk. Kryeqyteti penalizohet sidomos nga ndotja, e cila konsiderohet si shumë e lartë. Edi Rama vjedh qindra milionë euro për plehrat por pastaj i fut zjarrin, nuk ka asnjë incinerator dhe shërbyesit e qeverisë mahniten me vjedhjen intelektuale! Nëse cilësia e jetës është e ulët, të larta janë çmimet e pronave. Tirana vlerësohet si e 13-a më e shtrenjta në raportin çmim/të ardhura. Sipas fuqisë blerëse, një apartament në Tiranë kushton më shumë se në Munih, Romë, Athinë, Londër, Vjenë dhe Berlin. Kujdesi shëndetësor është një tjetër faktor negativ dhe Tirana është gjithashtu e fundit në Europë.
Në Tiranë shpenzohet më shumë kohë në trafik. Ajo që e hedh tuç propagandën e Veliajt dhe Ramës për turizmin, pyjet orbitale, rilindjen urbane e përralla të tjera, është se Tirana renditet shumë më poshtë kryeqyteteve të rajonit për cilësinë e jetës. A vlen parulla ‘o sa mirë me qenë shqiptar?’ Në 33 vite Edi Rama ka qenë 25 vjet në pushtet si ministër, kryetar bashkie dhe kryeministër. Erion Veliaj ka 11 vjet në pushtet si ministër dhe kryetar bashkie. Çfarë kanë bërë? Metronë? Tramvajin? Sistemimin e ujërave të zeza dhe të bardha? Pastrimin e ajrit dhe të mjedisit? Asnjë prej këtyre! Kanë bërë dy çezma me paratë e Kuvajtit, të cilat tashmë janë prishur. As një banjo publike nuk ka në qytet!
Mbi 100 milion dollarë ishte ndihma japoneze për impiantin e trajtimit të ujërave të zeza të Tiranës. Impianti po ndryshket, por nuk ka filluar punë se nuk kishin çfarë vidhnin, ndaj ujërat e zeza përfundojnë në det. Kanë kafshuar çdo lulishte dhe kanë ngritur qiellgërvishtës për interesat e tyre korruptive. Këto janë faktet, jo atë që thonë ERTV-të dhe LAL-TV-të nga mëngjesi në darkë. Tirana është e fundit, sepse qytetarët shihen si të dorës së fundit nga dyshja Rama-Veliaj. Cilësinë e jetës në renditjet ndërkombëtare nuk e cakton opozita dhe, çuditërisht nuk e ngre as sheshi-tepsi betoni ku piqet veza në diell, ku dimrit skuqin qofte patronazhistët e partisë që vjedhin zgjedhjet, dhe këndojnë velinat e Rilindjes. Thënë me fjalët e Ramës: Kjo është Tirana jonë, Tiranë e kontradiktës/ E ndotjes, trafikut, kullave dhe frikës," tha Malltezi.
