Kreu i Partisë Demokratike, Sali Berisha, në një dalje për mediat pas mbledhjes së grupit parlamentar demokrat, ka sulmuar qeverin&eu...
POLITIKE
Tomorri: Me votimin për Ballukun, Shqipëria e humbi ‘trenin’ e BE-së
PiranjatPërditësimi i fundit 12 Mars 2026, 19:50
Gazetari Klodian Tomorri u shpreh se, vendimi i fundit i Edi Ramës dhe PS-së për të mos i hequr imunitetin Belinda Ballukut, pritet të kenë pasoja serioze për procesin e integrimit të vendit në Bashkimi Europian.
I ftuar në SYRI TV, ai paralajmëroi se Shqipëria mund të përballet me bllokime në të ardhmen, edhe pse ato mund të mos jenë të menjershme dhe të dukshme.
Sipas Tomorrit, nuk pritet që Komisioni Europian të reagojë në mënyrë dramatike duke shpallur publikisht bllokimin e integrimit të Shqipërisë. Megjithatë, ai theksoi se pasojat mund të shfaqen më vonë gjatë procesit të vendimmarrjes në BE.
Gazetari paralajmëroi se vende të rëndësishme të BE-së, përfshirë Gjermania, mund të vendosin veto në procese të caktuara të negociatave, duke rrezikuar avancimin e Shqipërisë drejt anëtarësimit.
Tomorri theksoi gjithashtu se anëtarësimi në BE është jetik për qytetarët shqiptarë, pasi lidhet me përmirësimin e standardeve të jetesës, të lirisë dhe të shërbimeve publike sipas modelit europian.
‘Unë nuk pres që Komisioni Europian të dali me shpatë dhe të thojë , të thotë që shiko tani Shqipëria, integrimi i Shqipërisë u bllokua, Shqipëria përjashtohet, sepse këta burokratët e Brukselit Edi Rama i sistemon kollaj dhe e kemi parë ne këtë në gjithë këtë historik. Por ky është një vendim dhe një veprim i cili qartazi e ka shkëputur Shqipërinë nga treni për në Bashkimin Europian, sepse do të ndodhi ajo që ne e dimë, pra do të ndodhin vetot.
Gjermania sigurisht ka për të, ka për të vendosur veto për proceset integruese të Shqipërisë dhe shqiptarët duhet të kuptojnë diçka. Pra, kjo është një bombë që nuk do shpërthejë me zhurmë, që ta dëgjojnë të gjithë që u bllokua, por do shpërthejë kur të vijë momentet për të votuar, kur të vijnë dhe rrezikon ta lërë vendin , që vendi të humbasë trenin e anëtarësimit.
Madje Edi Ramës nuk ka çfarë i duhet integrimi, sepse ai sigurisht që ai i ka kaluar standardet e Bashkimit Europian, ai është në rangun e sheikëve, ndoshta dhe më lart. Dhe nuk i duhet atij.
Anëtarësimi në Bashkimin Europian është për qytetarët shqiptarë, që të, që të kenë, që të kenë standardet e jetesës të Bashkimit Europian, që të kenë standardet e lirisë të Bashkimit Europian, që të kenë standardet demokratike të Bashkimit Europian, që të marrin shërbime publike si qytetarët e Bashkimit Europian e kështu me radhë.
Dhe pse është e rrezikshme e gjitha kjo që ka ndodhur? Është e rrezikshme edhe për një fakt tjetër. Ishte krijuar një klimë pozitive për procesin e anëtarësimit dhe procesin e zgjerimit të Bashkimit Europian. Për një sërë faktorësh gjeopolitikë.
Mund të ndodhë që kjo klimë pozitive mund të ndryshojë shumë shpejt. Dhe ne, historia na ka treguar që oreksi i, i, po themi, oreksi i Bashkimit Europian për zgjerim ndryshon, ndryshon në mënyrë të shpeshtë dhe nga një ekstrem mund të shkojë në ekstremin tjetër.
Imagjino çfarë ndodh që nëse ti humb trenin tani që e ke mundësinë dhe më pas klima për zgjerimin nuk është pozitive, do të duhet të presësh vite dhe dekada të të vijë radha sërish që të mund të anëtarësohesh në Bashkimin Europian. Pra ky, kjo është pasoja e madhe e këtij veprimi apo këtij, po themi, e këtij sfidimi të Bashkimit Europian.
Dhe ne e kemi patur të qartë sepse delegacioni i Parlamentit Europian erdhi në Shqipëri e tha publikisht, ky është një test kritik për integrimin Europian. Pra nuk kishte, domethënë si rrallerë madje sepse unë nuk i kam falë, nuk i kam parë shpesh diplomatët e huaj apo politikanët që të flasin me gjuhë aq direkte. Këtu mesazhi ishte i drejtpërdrejtë, i qartë, që ky është një test kritik. Dhe tani ne këtë test kritik e kaluam me sukses, siç e pamë’, ironizoi gazetari Tomorri.
