Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Trishtim" për votat brenda PS-së dhe kërkesat për pamjet filmike të numërimit, zbardhet mesazhi i Ramës: Mos i hyni asaj rruge dhe mos humbisni fytyrën!
M.B.Përditësimi i fundit 19 Maj 2025, 22:34
TIRANA- Kryeministri njëherësh me kryesocialisti Edi Rama ka këshilluar kandidatët e tij për deputetë që të mos i futen rrugës për të kërkuar filmime, rinumërime për votën preferenciale. Në media po qarkullon një mesazh që thuhet se Rama ua ka dërguar socialistëve lidhur me pakënaqësistë për votat individuale.
Në mesazh Rama shkruan se nuk mund të ndalojë askënd të veprojë me kokën e vet, por, duke qenë se këtu në këtë dritare jemi ende një skuadër, thotë ai dhe shprehet se dëshiron të mbeten të tillë, u këshillon të mos i hyhet asaj rruge.
Ai shton se humbja e një gare s’duhet të bëhet shkak për të humbur edhe fytyrën, kur, sipas tij, nuk ka asnjë shans që me gjithë ata sy mbi ekrane, të ketë devijime vote në përmasa që do ta mbushnin hendekun e kujtdoqoftë me ata që kanë dalë fitues.
Mesazhi:
Kam marrë njoftim me trishtim për disa iniciativa individuale, për të kërkuar filmime, rinumërime e ku di unë çfarë tjetër për votën preferenciale!
Natyrisht që s’mund të ndaloj askënd të veprojë me kokën e vet, por, duke qenë se këtu në këtë dritare jemi ende një skuadër – dhe unë dua që kështu të mbetemi – do të këshilloja që të mos i hyhet asaj rruge.
Sepse, së pari, humbja e një gare s’duhet të bëhet shkak për të humbur edhe fytyrën, kur në fakt nuk ka asnjë shans, zero, që me gjithë ata sy mbi ekrane, të ketë devijime vote në përmasa që do ta mbushnin hendekun e kujtdoqoftë me ata që kanë dalë fitues – jo me 10 a 20, por me shumë më tepër vota diferencë nga pasuesit në klasifikim.
Së dyti, kjo do të thotë të hidhet hije mbi njerëzit tanë, që kanë qëndruar pafundësisht nëpër tryeza numërimi, e që nuk e meritojnë kurrkund një hije të tillë dyshimi për kontributin e tyre të madh.
E së fundi, përfytyrojeni vetë se sa keq do të ndjehet kushdo që do t’i hyjë kësaj rruge, duke ushqyer qenerinë mediatike, kur në fund, mali i mbarsur mund të mos pjellë as një mi!
Kush kërkoi pamjet filmike të numërimit të votave nga socialistët?
Kandidatët Partisë Socialiste Blerina Gjylameti, Xhemal Qefalia, dhe Frrok Gjini mësohet se i janë drejtuar me një kërkesë KQZ-së pasi dyshojnë për manipulime të votave brenda listave të partive.
Kërkesa e kandidatëve për deputetë në liste të hapur vjen pasi ata pretendojnë se vota ndaj tyre sipas qarqeve nuk është lexuara drejtë.
Blerina Gjylameti renditet e 23 në listën e PS në Tiranë, ajo ka marrë 6053 vota nga votat preferenciale për deputetë. Nga ana tjetër, Qefalia renditet i 18 në listën e PS-së në Tiranë, ai ka marrë 9822 vota.
BRUKSEL- Presidentja e Komisionit Evropian, Ursula von der Leyen, ka reaguar pas bisedës telefonike Trump-Putin. Von der Leyen u shpreh se se pati nj&eum...
