Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
POLITIKE
"Veliaj duke mos pasur argumente mbrojtëse sulmon Dadon", Lala tregon "kurthin" e SPAK: Ja pse ftuan biznesmenin dhe vjehrrën e kryebashkiakut në të njëjtën kohë...
r.llPërditësimi i fundit 20 Shkurt 2025, 22:08
sula, lala, veliaj
TIRANË- Gazetarja Klodiana Lala, ka folur mbëmjen e sotme për dosjen e kryebashkiakut Erion Veliaj dhe deklaratat e tij për prokurorit Ols Dado.
Gazetarja tha në emisionin "Të Paekspozuarit" se kryebashkiaku duke mos pasur asnjë argument, i ka mbetur si alternativë vetëm të sulmojë prokurorin e çështjes.
"Veliaj pretendon se është linçuar dhe jemi marrë me të brendshmet e gruas së tij, kjo nuk është e vërtetë, ne kemi folur për dyshime për një skemë korrupsioni, që Veliaj ka firmosur tendera dhe leje ndërtimi për biznesmenët dhe ata kanë kaluar para ose favore nëpërmjet kompanive të Ajola Xoxës. Zoti Veliaj, duke mos patur asnjë argument me sa kuptoj, e vetmja alternativë që i ka mbetur është të kërcënojë dhe hedhë akuza ndaj prokurorit të çështjes, njërit prej tyre, sepse me Dumanin nuk e ka bërë.
Kjo është strategjia më e gabuar. Të gjithë ata që janë para drejtësisë dhe janë të dëshpëruar, nuk kanë argument për t’u mbrojtur, linçojnë gjyqtarët dhe prokurorët. Veliaj kaloi nga “kolegët e mi” dhe thoshte SPAK të hetojë, sot ka kaluar në gjuhë linçuese dhe denigruese ndaj prokurorit. Nëse do të kishte Veliaj prova që kompromentojë Ols Dadon ti çonte në gjykatë, por i kanë mbetur vetëm fjalët “violinist i dështuar” e me rradhë", tha Lala.
Lala deklaroi se Ajola Xoxa po bën kërkesa të panumërta për të rrëzuar sekuestrimet që SPAK ka kryer. Ajo shpjegoi edhe një moment interesant nga hetimi, ku biznesmeni Gentian Sula dhe vjehrra e Veliajt, Valbona Xoxa, janë ftuar në SPAK në të njëjtën kohë, por jo për t'u marrë në pyetje, por për të kuptuar prokurorët nëse ata njiheshin më parë.
"Tani te provat, ka përpjekje të zonjës Xoxa, po bën kërkesa të panumërta për të rrëzuar të gjithë sekuestrimet që janë bërë. Po të shohësh në të gjithë kërkesat deri tani gjykata ka mbajtur qëndrimin që këto marrje provash kanë qenë të ligjshme. Prokuroria po ndjek strategji interesante. Ftoi biznesmenin Gentian Sula dhe Valbona Xoxën, vjehrrën e Veliaj, por nuk dhanë shpjegime. Prokurorët për të provuar nëse njiheshin, bënë një veprim hetimor, i vunë përballë njëri tjetrit. Prokurorët po ndjekin strategji. Pra ata hynë 4-5 minuta në diferencë nga njëri tjetri. Komunikova me mbrojtësit ligjore dhe pranuan se nuk ka patur marrje në pyetje. Prokuroria po shkon përtej.
Veliaj pretendon se vila u përket vjehrrit dhe vjehrrës. Veliaj thotë kam qenë në fushatë. E para, janë kqyrur pamjet filmike kur Veliaj është në fushatë dhe rezultojnë qeliza të ndryshme nga ato që pulsojnë te kompleksi. Janë parë pamjet filmike kur Veliaj është në fushatë, ai nuk ka qenë në praninë e bashkëshortes, ndërkohë telefonët në banesë pulsojnë njëherazi. Ka aq shumë detaje, sa janë prova të mjaftueshme, që këto janë të dhëna që kanë të bëjnë me faktin që cifti Veliaj-Xoxa e ka përfituar këtë vilë sepse ka favorizuar biznesmenin Gentian Sula", tha Lala.
