Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Vengu: Kryeministri është ai që ka përsëritur në mes të Beogradit kërkesën për njohje të Kosovës
PiranjatPërditësimi i fundit 16 Tetor 2025, 14:50
Ministri i Mbrojtjes, Pirro Vengu deklaroi sot në Kuvend se kryeministri Edi Rama është ai që ka përsëritur në mes të Beogradit kërkesën për njohjen e Kosovës.
Duke replikuar me deputetin e Partisë Mundësia, Erald Kapri, Vengu u shpreh se, “nuk besoj se ju si grup parlamentar apo grupet parlamentare të opozitës mund të na japin leksione patriotizmi për Kosovën”.
“Kryetari i kësaj qeverie, kryeministri është ai që ka përsëritur në mes të Beogradit kërkesën për njohje të Kosovës, jo vetëm në mitingje, jo vetëm pas kuintave diplomatike, po në mes të Beogradit”, tha Vengu.
“Kjo qeveri, jo vetëm që ka çuar përpara projekte zhvillimore të Kosovës, por sikundër ju keni çuar përpara Rrugën e Kombit, ne po çojmë përpara Hekurudhën e Kombit”, u shpreh Vengu.
“Kjo qeveri ka përfshirë Kosovën në kuadër të bashkëpunimeve strategjike, ushtarake dhe rajonale, për herë të parë dhe besoj se është moment që edhe ju t’i bashkoheni iniciativës që dhe ne kemi përqafuar për ta futur Kosovën, bashkë me Kroacinë në iniciativa ushtarake dhe mbrojtje rajonale”, tha Vengu.
“Nuk keni thënë asnjë fjalë për këtë gjë, nuk e keni përshëndetur kurrë këtë gjë dhe është momenti ta thoni”, iu drejtua Vengu deputetëve të opozitës.
Prandaj, shtoi ministri, “nuk ka leksione patriotizmi askush për të na dhënë këtu. Hajdeni nesër në protestë t’i bashkojmë fuqitë, të bashkohemi si komb dhe këto tregime me gisht që bëni ju me mocione dhe me debate e kuptoj që është i vetmi instrument që ju ka mbetur, por keni dhe instrumente të tjerë, siç është uniteti kombëtar, për këto çështje”.
Deputeti Erald Kapri kërkoi nga Kryetari i Kuvendit që të thërrasë kryetarët e grupeve parlamentare dhe të diskutojnë seriozisht për çështjen e Kosovës.
“Nuk mund të lihet Kosova në këtë moment të vështirë dhe të provokohet e gjithë opozita dhe të thuhet ‘dilni në një miting’”, tha ai.
