Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Flakët në malin me mbetje në fshatin Halil, Fushë-Krujë, janë shuar nga reshjet e shiut, por zjarri vijon të jetë akti...
POLITIKE
Video/ Florjan Binaj nis fushatën, thirrje qytetarëve: Na duhet ndryshimi, jo më korrupsion e patronazhista
PiranjatPërditësimi i fundit 16 Tetor 2025, 19:38
Kandidati i pavarur Florjan Binaj ka shpallur zyrtarisht kandidaturën e tij për kryetar bashkie në Tiranë, duke premtuar një alternativë ndryshe nga modeli aktual që, sipas tij, është i zhytur në beton, korrupsion dhe patronazhizëm.
Në rrjetet sociale, Binaj theksoi se “mundësia për t’u shërbyer qytetarëve është nderi më i madh i jetës sime”, ndërsa bëri thirrje për një bashki me profesionistë dhe njerëz të ndershëm që i shërbejnë qytetarëve, jo interesave të ngushta politike apo klienteliste.
Postimi:
Mundësia për t’ju shërbyer juve, është nderi më i madh i jetës sime! Ju ftoj të bëhemi bashkë për këtë ndryshim.
Tirana nuk është vetëm qyteti ku jetojmë, është shtëpia që do t’ua lëmë fëmijëve tanë. Ndaj, kur të jetojmë, të jetojmë për ta.
Kemi dy rrugë përpara: të vazhdojmë me korrupsionin, betonin dhe patronazhistët, ose të zgjedhim ndryshimin një bashki me njerëz të ndershëm, me profesionistë që u shërbejnë qytetarëve.
Ju ftoj të bëhemi bashkë për ndryshimin. Më shkruani shqetësimet, mendimet dhe historitë tuaja. Së bashku mund ta ndryshojmë Tiranën.
