Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
POLITIKE
VIDEO/ Habit Edona Bilali: Arsyeja pse dalim keq në raportet për klimën e biznesit, është se biznesmenët përmenden me emra
I.APërditësimi i fundit 11 Nëntor 2024, 16:25
TIRANË- Ish-Ministrja për Sipërmarrjen e qeverisë Rama, Edona Bilali ka shpjeguar sipas saj arsyen pse Shqipëria del keq në raportin e klimës së biznesit. Gjatë fjalës së saj në Komisionin hetimor për Shëndetësinë dhe Sterilizimin, Bilali ka kërkuar që Vilma Nushi të mos përmendet me emër, por me iniciale.
Duke ngulmuar, për arsye ende të paditura, se përse deputetja Bilali nuk do që sipërmarrsja Vilma Nushi të përmendet me emër nga kryetarja e Komisionit Albana Vokshi, edhe pse është një nga personat që duhet të thirret për të dëshmituar në këtë komision për koncesionit që ka fituar pa garë për Check Up-in. Bilali ka theksuar se arsyeja se pse Opozita ashtu dhe Mazhoranca do të fshikullohen nga raporti i Klimës së Biznesit vitin e ardhshëm është se përse Vokshi po përmend me emër Vilma Nushin disa herë në komision.
"Unë vi nga radhët e biznesit. Kam pasur nderin me shërby si Ministre për Sipërmarrjen. Dhe shqetësimi që ngre këtu ka të bëj me përmendjen e emrave. Unë po zbuloj si ish-sipërmarrëse dhe si ish-Ministre, pse ishte kaq e vështirë të ftosh investitor për të investuar në Shqipëri. Sepse ditët e fundit me edhe ne edhe ju, sepse luani një rol për të ftuar një investitor në Shqipëri, ca mendoni se do mendojnë se do dëgjojnë se do të të thirren në Parlament për të dhënë shpjegime, se do përmenden emrat, se mua nuk me duket fare normale. Mund të përmenden me iniciale, për etikë. Edhe fjala hajdutë e vjedhje nuk më duket fare normale.
Ne jemi komision parlametar, nuk jemi gestapo, që të thërrasim njerëzit këtu e ti bëjmë reprezalje se çfarë kanë bërë në biznesin e tyre. Nuk e kam fare te emrat. Të gjithë pronarët e bizneseve nuk duhet të përmenden. Po ngremë një precedent shumë të keq, i cili në raportin e klimit të biznesit vitin e ardhshëm na çon në hapa mbrapa. Nuk është normale që ne të marrin në gojë emra e mbiemra, qofshin shqiptarë apo të huaj. Si deputetë të Kuvendit keni një përgjegjësi të gjithë, që te raporti i klimës së biznesit vitin tjetër, kur të fshikullohemi të dyja palët se nuk përmenden emrat në përgjithësi. Arsyeja pse ne zbresim në rankim, se kur flasim për klimë biznesi është kjo, sepse nesër pasnesër kur të dali, sa herë është përmendur me emër një biznesmen qoftë shqiptarë apo i huaj. Nga ana e klimës së biznesit nuk është normale as me i përmend me emra e as me dalë jashtë objektit në të cilin është mbledhur komisioni", tha Edona Bilali.
Ndërkohë që në të vërtet, raporti i klimës së biznesit ka kritikuar ashpër Shqipërinë, për shkak nivelit të lartë të korrupsionit dhe të zbatimit të dobët të kontratave. Në raportin për vitin 2023, DASH thekson se arsyet e rankimit të dobët të Shqipërisë në klimën e biznesit është niveli i lartë i korrupsionit, pastrimi i parave, ndryshimet e shpeshta fiskale dhe zbatimi i dobët të kontratave.
Në raport përmendet dhe shqetësimin e komunitetit të biznesit se fluksi i madh i të ardhurave të paligjshme nga trafiku i drogës, kontrabanda, evazioni fiskal dhe korrupsioni shtrembërojnë konkurrencën në treg. Investitorët shpesh raportojnë se ata bëhen objektiv i zhvatjes si nga administrata publike, ashtu edhe nga media dhe grupet kriminale.
