Pedagogët janë ndaluar na forca policie për t’ju bashkuar protestës së studentëve para Kuvendit të republikës s&...
POLITIKE
Video/ Negociatat e PD-së për kandidatin e Tiranës, Noka: Kemi përfaqësues shumë të mirë, jo si “Miss covidi”
PiranjatPërditësimi i fundit 27 Shtator 2025, 21:01
Negociatat për kandidatin për Bashkinë e Tiranës kanë qenë në fokus të një takimi që Sekretari i Përgjithshëm i PD-së Flamur Noka zhvilluar me aleatet Fatmir Mediu dhe Agron Duka.
Noka tha se opozita ka kandidatët më të mirë për Bashkinë e Tiranës, ndërsa nuk la pa ironizuar edhe kandidaten e PS, Ogerta Manastirliu, të cilin e quajti ‘Miss covidi’.
Partia demokratike ka nisur negociatat me aleatët për kandidatin e Bashkisë së Tiranës. Grupi i PD i ngarkuar për këtë çështje, Flamur Noka, Belind Këlliçi dhe Ilir Alimehmeti zhvilluan takimet e para me kreun e Partisë Republikane Fatmir Mediu, dhe kryetarin e Partisë Agrare Ambjentaliste, Agron Duka.
Në një prononcim për gazetarët pas takimit informal, sekretari i përgjithshëm i demokratëve Flamur Noka, tha se ditët në vijim do të ketë takime edhe me partitë e tjera opozitare, dhe se emri i kandidatit të opozitës do të bëhet publik pas negociatave me aleatët tradicional.
Noka tha se qytetarët e Tiranës janë të vetëdijshëm për vjedhjet e Manastirliut në shëndetësi, dhe nuk do ti besojnë asaj Bashkinë.
Erion Veliaj i cili ndodhet në qeli në kuadër të dosjes hetimore, është shkarkuar nga detyra e kryetarit të Bashkisë nga Këshilli i Ministrave dhe nëse nuk ankimon vendimin, Presidenti pritet të shpallë datën e zgjedhjeve.
