Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
POLITIKE
Mbledhja e kryesisë së PD-së për zgjedhjet e pjesshme, Berisha: Do të konsiderojmë kandidatët e pavarur
PiranjatPërditësimi i fundit 4 Tetor 2025, 15:40
Mbledhja e kryesisë së Partisë Demokratike ka vijuar me diskutimet, ndërsa kryedemokrati Sali Berisha ka zbardhur detaje nga diskutimet që u zhvilluan gjatë takimit. Në një deklaratë për mediat, Berisha thekson se PD do të marrë parasysh dhe do të vlerësojë me seriozitet kandidaturat e pavarura, që do të garojnë për pozita në bashkitë e vendit.
Sipas Berishës, "PD ka kandidatura kalibri që nuk krahasohen me asnjë lloj organizate kriminale në pushtet", por gjithashtu do të vlerësohen dhe mbështeten ato kandidatura që vijnë nga individë të pavarur dhe që kërkojnë mbështetje për të fituar zgjedhjet. Ai shton se ky është një hap i rëndësishëm për forcimin e opozitës dhe për përballjen me "narkoshtetin" e kryeministrit Edi Rama.
Berisha: Patëm një diskutim të gjatë, të përgjegjshëm, të lirë. Ajo që predominoj dhe e konsideroj një hap të rëndësishëm në përpjekjen tonë, është se PD ndonëse ka padiskutim kandidatura kalibri për asnjëlloj krahasimi me organizatën kriminale në pushtet, do vlerësojë dhe çmojë shumë kandidaturat e pavarura. Do konsiderojë me seriozitetin më të madh, kandidatë të pavarur të cilët garojnë si të tillë dhe që konsiderojnë të nevojshme për fitoren e tyre, mbështetjen e PD-së. Besoj se në një valë me këtë nga diskutimet paraprake janë dhe forcat e tjera opozitare. Dhe kjo jo vetëm në bashkinë e Tiranës, por dhe në bashkitë e tjera. Ky është një moment do të mendoja unë, për të gjithë ata qytetarë, intelektualë, ata specialistë, ekspertë që ndihen të gatshëm të përballen me narkoshtetin e Edi Ramës, të matin forcat e tyre në një garë në interesin më të mirë të qytetarëve të marrin vendimin e duhur.
