Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
POLITIKE
Vokshi akuza socialistëve: Rama e ktheu Parlamentin në mburojë, zgjodhi përsëri që të mbrojë Ballukun!
PiranjatPërditësimi i fundit 12 Mars 2026, 13:54
Deputetja e Partisë Demokratike, Albana Vokshi, ka reaguar ashpër sot (12 mars) pas përfundimit të seancës plenare në Kuvend, ku mazhoranca socialiste rrëzoi me 82 vota kërkesën e SPAK për heqjen e imunitetit të Belinda Ballukut, zv/kryeministres së pandehur nga drejtësia, e shkarkuar nga detyra dhe pezulluar nga GJKKO.
Ajo thekson se kryeministri Edi Rama vendosi ta përdorte Kuvendin për të mbrojtur jo vetëm pushtetin e tij, por edhe Belinda Ballukun.
Vokshi nënvizon se mazhoranca i detyrohet pushtetit të bandave dhe krimit.
“Përballë akuzave dhe kërkesës për llogaridhënie, Rama zgjodhi sërish të mbrojë Belinda Ballukun, duke përdorur votat e një parlamenti të kthyer në mburojë politike për qeverinë”, shprehet ajo mes të tjerash në një postim në rrjetin social Facebook.
Teksa e shoqëron edhe me një album fotografik nga protesta e sotme e opozitës para Kuvendit dhe seanca plenare, ligjvënësja demokrate vë në dukje se “ndryshimi është vetëm çështje kohe”.
“Sot në Kuvend u pa edhe një herë se si funksionon pushteti i Edi Ramës: jo me transparencë dhe përgjegjësi, por me forcën e kartonëve të një mazhorance që i detyrohet pushtetit, bandave dhe krimit.
Përballë akuzave dhe kërkesës për llogaridhënie, Rama zgjodhi sërish të mbrojë Belinda Ballukun, duke përdorur votat e një parlamenti të kthyer në mburojë politike për qeverinë.
Ky nuk është më një parlament që kontrollon qeverinë, por një teatër ku kartonët ngrihen për të mbrojtur pushtetin nga drejtësia.
Por shqiptarët e dinë të vërtetën: as kartonët, as propaganda dhe as mbështetja e krimit nuk mund ta mbajnë përgjithmonë në këmbë një pushtet që ka humbur legjitimitetin.
