Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
POLITIKE
"Vota e parë pro PD, vjen nga Edi Rama", Salianji: Shefi i Rilindjes u ka thënë atyre të radhëve të tij, që ta përkrahin programin e opozitës
n.fPërditësimi i fundit 3 Prill 2025, 19:46
TIRANË- Ish-deputeti demokrat, Ervin Salianji përmes një postimi në "Facebook" është shprehur se vota e parë pro PD, vjen nga Edi Rama. Sipas tij kryeministri Edi Rama jo vetëm është dakort me programin e demokratëve, por paraqeti fije për pe propozimet e opozitës. Ai shtoi se shefi i Rilindjes u ka thënë atyre të radhëve të tij, që ta përkrahin programin e PD.
Salianji thekson se projekti i PD është totalisht i realizueshëm. Ai theksoi se në zgjedhjet e 11 majit të harruarit, të shtypurit, të braktisurit do ta thonë fjalën e tyre. Sipas tij e diela e dytë e Majit do ta tregojë fjalën e qytetarëve.
Vota e parë pro PD, vjen nga Edi Rama. Kur jemi pak ditë para zgjedhjeve të 11 majit, me gjasë do të nisin siç ka ndodhur shpesh, deklarimi haptazi i votës. Kuptohet se për Opozitën ka ndrojtje për ta shpallur, duke qenë se njihet sa malinje, hakmarrëse e represive është qeveria. Por, për habinë e të gjithëve, vota e parë që u manifestua pro PD, erdhi nga ai që pritej më pak. Nga Edi Rama. Ai jo vetëm është dakort me programin e demokratëve, por do të bënte dhe ai të njëjtën gjë. Paraqiti autokratuci si ide të tijat, fije për pe, propozimet e Opozitës.
Pra ai është tërësisht dakort me minimumin jetik 200 euro, me rritjen e pensioneve mbi këtë bazë, me pagën minimale 500 euro, me pagën mesatare 1200 euro. A mund të gjente PD e Sali Berisha zëdhënës më të mirë për platformën e tij se dikë që ka aksesin e Edi Ramës në media? Vështirë se mund ta gjente. Shefi i Rilindjes u ka thënë atyre të radhëve të tij, që ta përkrahin programin e PD.
Dikush që ka udhëhequr për 12 vjet qeverisjen më të korruptuar në kontinent, sigurisht që nuk i ka qelizat për t'u skuqur për një plagjiaturë, a vjedhje programi. Nëse po tenton t'i bëjë qesharake ato propozime, duke i nxjerrë nga goja e tij, sërish nuk i ka bërë llogaritë mirë. Projekti i PD është totalisht i realizueshëm. Edhe më skeptikët edhe të majtët e dinë mirë se nëse është fjala për të bërë këtë permbysje në paga e pensione, në zhdukjen e varfërisë, do t'i besonin jo atij që e solli këtë gjendje deri këtu, e që pati 3 mandate kohë për ta korigjuar e kurrë nuk e bëri, por do t'i besonin atij që edhe në të shkuarën e ka jetësuar këtë transformim.
Me shpalljen e gjasme programit, Edi Rama shtoi dhe një metër në fasadën e tij, asgjë më shumë. Pasi në realitet, ai po e tregon çdo ditë se modeli i tij janë kullat, kullat, dhe kullat. Këto ngrehina, pasurojnë një grusht njerëzish edhe më shumë, fusin para të pisëta në kate të larta, por nuk sjellin asgjë për njerëzit, për ekonominë. Pensionet e pagat nuk rriten me grataçela, as me resorte. Ato rriten me rritjen e ekonomisë, me çlirimin e tregut, me hapjen e garës, me taksën e sheshtë, me thjeshtimin e burokracisë. Nuk ka dyshim se disa prej këtyre projekteve me rrokaqiej, me resorte janë interesante. Po ato nuk reflektojnë pulsin real të trupit të rrëgjuar, të mpakur të shoqërisë tonë, të vendit tonë. Kur një pjesë e madhe e qytetarëve nuk mbyllin dot muajin, çfarë u thonë atyre lajmet për vezullime të reja të luksit të betonit e qelqit.
Edi Rama po tregon se ai është i vendosur të ndjekë këtë korsi. Se ai ka interes atë grusht klientësh rreth tij. Për të, nuk ekziston pjesa tjetër. Po me 11 Maj janë pikërisht të harruarit, të shtypurit, të braktisurit që do ta thonë fjalën e tyre. Dikush mund të ketë marrë truall publik, leje të re, resort të ri, po ai ka vetëm 1 votë. Eshtë shumë pak për ta mbajtur në pushtet një maskaradë të tillë. E diela e dytë e Majit do ta tregojë.
